काठमाडौं– भारतको गुवाहटीमा रहेको नेपाली ‘ए’ टीमले आसामविरुद्ध दोस्रो खेलमा फराकिलो जित निकालेको छ ।
पहिलो खेल पूरै खेल खेल्न नपाएर डीएलएसमा पछि परेर १५ रनले हारेको नेपालले दोस्रो खेलमा कमब्याक गर्दै ९६ रनको एकतर्फी जित निकालेको हो ।
पहिले ब्याटिङ गर्दै नेपालले दिएको १७४ रनको चुनौतीपूर्ण लक्ष्य पछ्याउने क्रममा आसाम टिम १५ दशमलव २ ओभरमा अलआउट हुँदै ७७ रनमै समेटियो ।
पहिले ब्याटिङ गरेको नेपालका लागि सन्दीप जोराले सर्वाधिक २३ बलमा ३५ रन जोडे । यस्तै देव खनालले ३५ बलमा ३१ रन जोड्दा पवन सर्राफले २३ बलमा ३१ रन जोडे ।
यस्तै बसिर अहसमदले १६ मा २७ रन बनाए भने विवेक यादवले नटआउट ८ बलमा २६ रन जोड्दा आदिल आलम अन्सारीले ८ बलमा १४ रन बनाए ।
यता बलिङतर्फ युवराज खत्री ३ दशमलव २ ओभर बलिङ गर्दे १५ रन दिएर चार विकेट निकाले । बसिर अहमदले ४ ओभरमा २६ रन दिएर ३ विकेट निकाले । विवेक यादव, कमलसिंह ऐरी र आकाश चन्दरले एक/एक विकेट निकाले ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-ink-1735720380-1735720728.jpeg)
