काठमाडौं– प्रतिनिधिसभा अन्तर्गतको राज्य व्यवस्था तथा सुशासन समितिको सभापति पदमा ईश्वरीदेवी न्यौपाने निर्विरोध चयन भएकी छिन् ।
सिंहदरबारमा बुधबार बसेको समिति बैठकले कांग्रेस सांसद न्यौपानेलाई सभापति पदमा निर्विरोध चयन गरेको हो ।
यसअघिका सभापति कांग्रेसका रामहरि खतिवडाले राजीनामा दिएपछि रिक्त सभापति पदमा न्यौपानेको मात्र उम्मेदवारी परेको थियो ।
बैठकमा समिति सदस्य रामहरि खतिवडाले राखेको न्यौपानेलाई सभापति निर्वाचित गरियोस् भन्ने प्रस्तावलाई नेकपा एमालेका सांसद कृष्णगोपाल श्रेष्ठले समर्थन जनाएका थिए ।
यस्तै नवनिर्वाचित सभापति न्यौपानेले बुधबार नै पद तथा गोपनीयताको शपथ लिएकी छिन् । सभामुख देवराज घिमिरेले नवनिर्वाचित सभापति न्यौपानेलाई पद तथा गोपनीयताको शपथ खुवाएका थिए ।
शपथपछि सञ्चारकर्मीसंग कुरा गर्दै सभापति न्यौपानेले समितिमा रहेका विधेयकहरुलाई गम्भीर रुपमा अध्ययन गरि अघि बढाउन प्रयास गर्ने बताइन् । उनले समितिमा रहेका प्रहरी र सशस्त्र प्रहरी विधेयकलाई संसदको चालू अधिवेशनमा नै पेश गर्नका लागि छलफल गर्ने उल्लेख गरिन् ।
पद तथा गोपनीयताको शपथपछि सभापति न्यौपानेले बुधबार नै कार्यभार सम्हालेकी छिन् । कांग्रेसको मङ्गलबार बसेको पदाधिकारी बैठकले समितिको सभापति उम्मेदवार बनाउने निर्णय गरेपछि न्यौपानेले संसदीय सुनुवाई समितिको सभापति पदबाट राजीनामा दिएर राज्य व्यवस्था समितिको सभापतिमा मनोनयन दर्ता गराएकी थिइन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
