काठमाडौं– थारु आयोगकी सदस्य शान्ति मोदीले कार्यबाहक अध्यक्ष सुबोधसिंह थारुको कार्यकक्षमा तालाबन्दी गरेकी छन् । सिंह कार्यकक्षमा रहेका बेला मोदीले तालाबन्दी गरेकी हुन् ।
आयोगमा मोदीको बिदालाई लिएर विवाद देखिएको थियो । उनी एक महिनादेखि सम्पर्कविहीन रहेको कार्यवाहक अध्यक्ष सुबोधसिंह थारुले यसअघि बताएका थिए ।
मोदीले गत असार १३ गते आफ्नो चालकलाई पत्र पठाएर एक साताका लागि बिदा बसेको जानकारी गराएकी थिइन् । तर एक महिना बढी भइसक्दा पनि मोदीसँग सम्पर्क हुन नसकेको थारुको भनाई थियो ।
कार्यवाहक अध्यक्ष थारुका अनुसार मोदीले बिदा लिएर अमेरिका जाने गरेकी थिइन् । मोदी सम्पर्कविहीन हुँदा आयोगको काम पनि प्रभावित भएको र असार मसान्तमा उनी सम्बन्धित कुनै पनि कार्यक्रम भएको उनको भनाई थियो । मोदीका श्रीमान् अमेरिका बस्छन् । त्यही भएर उनी आउजाउ गर्ने गर्थिन् ।
यता, तालाबन्दी गरेकी मोदीले सामाजिक सञ्जालमा लेखेकी छन्, ‘अहिले खोलिदिएको हो, निस्केपछि फेरि लगाउँछु ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
