विराटनगर– नेपाली कांग्रेसका नेता डाक्टर शेखर कोइरालाले आफूले अरू पार्टीका नेताहरुसँग भेटघाट गर्नु सामान्य भएको बताएका छन् ।
कांग्रेस विराटनगर–४ वडा समितिले शनिबार मोरङमा आयोजना गरेको क्रियाशील ज्येष्ठ नागरिक सम्मान कार्यक्रममा कोइरालाले अरु नेतालाई भेट्ने आफ्नो बानी भएको भन्दै यसलाई सामान्य रुपमा लिनुपर्ने बताएका हुन् ।
पूर्वराष्ट्रपति विद्यादेवी भण्डारी, पूर्वप्रधानमन्त्री पुष्पकमल दाहाल प्रचण्डलगायत नेताहरूसित आफूले भेटघाट एवं छलफल गरेको उनले बताए ।
पार्टी सभापति शेरबहादुर देउवा सबैको अभिभावक हुनुपर्ने भन्दै कोइरालाले अरु पार्टीका नेतालाई घरमै बोलाएर देशमा देखिएका समस्याबारे छलफल गर्न आफूले सुझाव समेत दिएको धारणा राखे ।
नेता कोइरालाले लोकतन्त्रको स्थायित्वका लागि कांग्रेसप्रति युवाको आकर्षण बढाउनुपर्नेमा जोड दिए । लोकतन्त्रको पर्यावाची नै कांग्रेस भएकोले कांग्रेस कमजोर भयो भने लोकतन्त्र मात्रै नभइ देश नै कमजोर हुने उनको भनाइ छ ।
त्यस्तै कोइरालाले पार्टीको आन्तरिक प्रतिस्पर्धाको इगोका कारण स्थानीय, प्रदेश र संघको चुनावमा कांग्रेसलाई हराउन कांग्रेस नै लाग्ने गरेको जिकिर गरे । नेता कोइरालाले एमाले र अन्य पार्टीसितको प्रतिस्पर्धाका लागि कांग्रेस एकढिक्का हुनुपर्ने बताए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
