काठमाडौँ– संघीय संसदका पाँच समितिको बैठक सोमबार बस्दैछ। प्रतिनिधि सभाको कृषि, सहकारी तथा प्राकृतिक स्रोत समितिको बैठक बिहान १० बजे बस्ने तय भएको छ।
बैठकमा भूमिसम्बन्धी केही नेपाल ऐनलाई संशोधन गर्न बनेको विधेयक, २०८२ मा परेका संशोधनका सम्बन्धमा संशोधनकर्ता सदस्यहरूसँग छलफल गर्ने कार्यसूची रहेको संसद सचिवालयले जनाएको छ ।
शिक्षा, स्वास्थ्य तथा सूचना प्रविधि समितिमा सोमबार पनि मिडिया काउन्सिल विधेयक २०८० का सम्बन्धमा सरोकारवालाहरुसँग छलफल हुँदैछ। बैठक बिहान ११ बजे समितिको सभाकक्ष सिंहदरबारमा बस्नेछ।
सार्वजनिक लेखा समितिमा अर्थमन्त्री विष्णु पौडेलको उपस्थितिमा नेपाल सरकारका सबै सचिवहरुसँग छलफल गर्ने कार्यसूची छ। बिहान साढे ११ बजे बस्ने विधायन व्यवस्थापन समितिमा जलस्रोत विधेयक, २०८१ माथि दफावार छलफल हुनेछ भने कानून, न्याय तथा मानव अधिकार समितिमा मानव अधिकारसम्बन्धी छैटौँ राष्ट्रिय कार्ययोजनाको मस्यौंदामा प्रधानमन्त्री तथा मन्त्रिपरिषदको कार्यालयसँग छलफल गर्ने कार्यसूची छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
