काठमाडौं– ललितपुरको च्यासलस्थित एमाले केन्द्रीय कार्यालयमा ११ बजेका लागि बोलाइएको पोलिटब्युरो बैठक १ बजेका लागि सारिएको छ ।
बिहीबार राति त्यहीँ सम्पन्न सचिवालयको ४९ औँ बैठक लम्बिएका कारण आजको बैठकको समय सारिएको केन्द्रीय कार्यालय स्रोतले जनायो ।
बिहीबारको बैठकले १५ पदाधिकारीसहित १५१ सदस्यीय केन्द्रीय कमिटीको प्रस्ताव पारित गरेको थियो ।
उपाध्यक्ष विष्णुप्रसाद पौडेलद्वारा प्रस्तुत विधान संशोधन प्रस्तावमा बिहीबार छलफल हुँदा ७० वर्षको उमेर हद र कार्यकारी पदमा २ कार्यकाल रहन पाउने व्यवस्था आगामी कार्यकालमा प्रभावित नहुने सहमति भएको थियो ।
पोलिटब्युरो बैठकमा पुनः ती विषयमा छलफल हुने प्रचार विभाग प्रमुख राजेन्द्र गौतमले बताए । पूर्वराष्ट्रपति विद्या भण्डारीलाई पार्टी कामको जिम्मेवारी दिने, नदिनेबारे बिहीबार नै विषय प्रवेश भएको भन्दै गौतमले पोलिटब्युरोमा पनि त्यसबारे चर्चा हुनसक्ने बताए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
