एजेन्सी– अमेरिकी राष्ट्रपति डोनाल्ड ट्रम्पले गाजामा ६० दिन युद्धविराम गराउने सर्तमा इजरायल सहमत भइसकेको दाबी गरेका छन्।
युद्धविरामका लागि सबै पक्षहरूले तीव्र रुपमा काम गरिरहेको बताउँदै राष्ट्रपति ट्रम्पले शान्तिका लागि मेहनत गरेका कतार र इजिप्टले अब अन्तिम सर्तसहितका प्रस्ताव प्रस्तुत गर्ने बताएको बिबिसीले जनाएको छ।
सर्तहरु के कस्ता छन् भन्नबारे भने खुलाइएको छैन। हमासले उक्त सर्त स्वीकार गर्छ या गर्दैन एकिन छैन्। तर हमासले सर्तहरु इन्कार गरे मान्य नहुने ट्रम्पले चेतावनी दिएका छन्।
इजरायलले सैन्य कारबाही बढाउनु अघि उत्तरी गाजाबाट मानिसहरूलाई खाली गर्न आदेश दिएको केही समयपछि यो निर्णय आएको हो। हमासले लामो समयदेखि स्थायी युद्धविराम र गाजाबाट पूर्ण इजरायली सेना फिर्ताको लागि आह्वान गर्दै आएको छ। तर, इजरायलले हमासलाई पूर्ण रूपमा समाप्त गरेपछि मात्र द्वन्द्व अन्त्य हुने बताउदै आएको छ।
गाजामा अझै पनि ५० इजरायली बन्धकहरू छन्। जसमध्ये कम्तिमा २० जना जीवित रहेको विश्वास गरिन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766928868.png)
-1766648928.png)
