एजेन्सी –गाजामा इजरायली ड्रोन आक्रमणमा कम्तीमा १८ प्यालेस्टिनीको मृत्यु भएको एक डाक्टर र प्रत्यक्षदर्शीले बीबीसीलाई बताएका छन् । हमास प्रहरी एकाइले बजार नियन्त्रण गर्न खोज्दा मध्य गाजाको देइर अल–बलाह क्षेत्रमा आक्रमण भएको थियो ।
प्रत्यक्षदर्शीका अनुसार ड्रोनले सादा पोसाक र मास्क लगाएका हमास प्रहरी बलका सदस्यहरूलाई लक्षित गरेको थियो । उनीहरू ट्रकबाट लुटिएका सामानहरू बेच्ने र बढी मूल्य लिने आरोप लगाइएका पसलेहरूसँग कुरा गरिरहेका थिए ।
हमास नियन्त्रित गृह मन्त्रालयले आक्रमणको निन्दा गरेको छ । इजरायलले सार्वजनिक व्यवस्था कायम राख्ने प्रहरी एकाइमाथि आक्रमण गरेर अपराध गरेको उसले बताएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
