एजेन्सी – पछिल्लो ४८ घण्टामा इजरायलले भोकमरीबाट बच्न राहत लिन गएको १० जना गाजाबासीको इजरायली सेनाले हत्या गरेको छ । गाजा ह्युमनेटेरियन फाउन्डेसनको राहत वितरण गर्न लाग्दा देखिएको भाग दौड र हारालुछको दृश्य सार्वजनिक भएपछि यसरी इजरायली सेनाले आक्रमण गरेको हो ।
आक्रमणमा थप ६२ जना घाइते भएको सञ्चार माध्यमले बताएका छन् । प्यालेस्टाइन नियन्त्रित सञ्चार माध्यमले सो कुरा उल्लेख गरेका हुन् । तथापि कुन स्थानमा आक्रमण भएको थियो भन्ने यकिन भएको छैन ।
मानव अधिकारवादीले यसलाई जघन्य अपराधको संज्ञा दिएका छन् । राहत वितरणका लागि खोलिने भनिएका चारमध्ये दुई केन्द्र खोलिसकेको बताइएको छ। यसरी केन्द्र स्थापन गरेर राहत वितरण गर्ने कामलाई राष्ट्र संघले निन्दा गरेको छ । राष्ट्र संघले इजरायलले गाजामा राहत वितरणमा गरेको असहयोगमा आपत्ति जनाएको छ ।
यसअघि नै प्यालेस्टाइनी शरणार्थीका लागि राष्ट्र सङ्घीय नियोगले अमेरिकाको पहलमा भएको यो वितरणको आलोचना गर्दै राष्ट्र सङ्घसँग सहकार्य गर्दै राहत वितरण गर्न भनेको छ । अहिले गाजाको समस्या राष्ट्र सङ्घको सुरक्षा परिषदमा पनि चर्चाको विषय बनेको छ । न्युयोर्कमा यस युद्धका बारे बोल्दै अमेरिका, फ्रान्स र बेलायतले इजरायलको राहत वितरणका बारे प्रश्न उठाएका छन् ।
राष्ट्र सङ्घका लागि इजरायली दूत डेनी डेनोनले राष्ट्र संघले इजरायलमाथि गलत र झुटो आरोप लगाएको बताएका छन् । राष्ट्र सङ्घका मानवीय सहयोगका प्रमुख टम फ्लेटचरले इजरायलले नरसंहार गरेको आरोप लगाएपछि डेनोनले यो प्रतिक्रिया व्यक्त गरेका हुन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1675234613.jpg)
-1748593223.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
-1748519010.png)
