जनताको असन्तोषलाई समस्या मान्नु हुँदैन : महासचिव पोखरेल

राजनीति

नेपाल लाइभ बुधबार, जेठ १४, २०८२ १६:४०

काठमाडौं–नेकपा एमालेका महासचिव शंकर पोखरेलले जनतामा बेला–बेला देखिने असन्तोषलाई समस्या मान्न नहुने बताएका छन्।

१५ जेठमा आयोजना गरिएको कार्यक्रमबारे जानकारी दिन आयोजित पत्रकार सम्मेलनमा पोखरेलले असन्तोष जनतामा मात्र नभएर राजनीतिक दलहरूमा पनि आउने बताएका हुन्।

‘जनताको असन्तोष समस्या होइन। राजनीतिक दलहरूमा पनि असन्तोष हुन्छ, चाहे जति परिवर्तन भएन भन्ने हुटहुटी हुन्छ,’ उनले भने, ‘हामी पनि थप प्रगतिका लागि हतारिएका छौं। त्यसैले हामी जनताको असन्तोषलाई सामान्य मान्छौं।’

महासचिव पोखरेलले असन्तोषलाई सामान्य माने पनि नकारात्मकताको प्रसारलाई भने सामान्य मान्न नहुने बताए।

‘हामी यति धेरै नकारात्मक बनेका छौं कि भइरहेको सुधारलाई पनि देख्न छाडेका छौं,’ पञ्चायतकालको अन्तिम समययता मुलुकले गरेको प्रगतिको लामो तथ्यांक प्रस्तुत गरेपछि उनले भने, ‘यो नकारात्मकता चिर्न राजनीतिक दलहरू जनताको बीचमा जानुपर्छ भनेर नै हामीले गणतन्त्र दिवसलाई उत्सवका रूपमा मनाउन लागेका हौं।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बजेट : पूर्व अर्थमन्त्रीको मिश्रित प्रतिक्रिया, निजी क्षेत्र उत्साही, विगतको निरन्तरतामै सीमित रहेको प्रतिपक्षको आरोप

बजेट उत्साहमुखि छ : निजी क्षेत्र

बजेट यथार्थपरक छ, त्यसैले कार्यान्वयनमा चुनौती हुँदैन : अर्थमन्त्री पौडेल