काठमाडौँ–विभिन्न सात राजनीतिक दलहरूको सम्मिलनमा बनेको संयुक्त लोकतान्त्रिक मोर्चाले आफ्नो सचिवालय गठन गरेको छ।
सचिवालयमा प्रत्येक दलबाट एक–एक जना प्रतिनिधि सहभागी गराइएको छ।
जनता समाजवादी पार्टीबाट रामकुमार शर्मा, जनता प्रगतिशील पार्टीबाट उपाध्यक्ष डा.शिवजी यादव, राष्ट्रिय मुक्ति पार्टी नेपालबाट केशव झा, जनमत पार्टीबाट अब्दुल खान, तमलोपा (तराई–मधेस लोकतान्त्रिक पार्टी) बाट ब्रजकिशोर सिंह र लोकतान्त्रिक समाजवादी पार्टी (लोसपा) बाट ज्ञानेन्द्र झालाई सचिवालय सदस्यमा चयन गरिएको हो।
जनता प्रगतिशील पार्टीका उपाध्यक्ष डा.शिवजी यादवका अनुसार उन्मुक्ति पार्टीबाट सचिवालयका लागि प्रतिनिधि चयन प्रक्रिया अझै बाँकी रहेको छ।
सचिवालयले मोर्चाको रणनीति, कार्यक्रम तथा साङ्गठनिक समन्वयमा महत्त्वपूर्ण भूमिका निर्वाह गर्ने बताइएको छ।
संयुक्त लोकतान्त्रिक मोर्चाले राष्ट्रिय राजनीतिमा वैकल्पिक धारको निर्माण गर्दै जनताको मुद्दा उठाउने उद्देश्य लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778155080.jpg)
-1764146706.png)
