गाजामा इजरायलको हवाई आक्रमणमा परि ८० जनाको मृत्यु

विश्व

नेपाल लाइभ बिहीबार, जेठ १, २०८२ ०९:५०

एजेन्सी – इजरायलले गाजामा गरेको हवाई आक्रमण ८० जनाभन्दा बढीको मृत्यु भएको छ । मङ्गलबार राति र बुधबार बिहान उत्तरी गाजामा इजरायलले शृङ्खलाबद्ध हवाई आक्रमण गरेको थियो । जबालियास्थित इन्डोनेसियाली अस्पतालले आक्रमणमा ८० जनाको मृत्यु भएको जनाएको छ ।

अन्तर्राष्ट्रिय सञ्चार माध्यमका अनुसार आक्रमणमा २२ जना बालबालिका र १५ जना महिला मारिएको बताइएको छ । हमासले एक इजरायली–अमेरिकी बन्धकको रिहाइमा मध्यस्थता गरेको एक दिनपछि आक्रमण भएको हो ।

इजरायली सेनाले आक्रमणबारे टिप्पणी गर्न अस्वीकार गरेको छ । यसैबिच हमासको पूर्वाधारलाई लक्षित गरी सैन्य कारबाही अघि मङ्गलबार राति जबालियाका बासिन्दाहरूलाई क्षेत्र खाली गर्न चेतावनी दिइएको थियो ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

देशभरका ६ महानगरमध्ये सबैभन्दा बढी बेरुजु काठमाडौंमा

याक प्रवर्द्धनमा जुट्दै ताप्लेजुङका स्थानीय तह

स्पष्ट ढुवानीमैत्री नीति आवश्यक : सांसद नेम्वाङ