हमासले अमेरिकी–इजरायली नागरिक अलेक्जेन्डरलाई रिहा गर्दै

विश्व

नेपाल लाइभ सोमबार, वैशाख २९, २०८२ ०९:२९

एजेन्सी– हमासले इजरायली–अमेरिकन बन्दी एडज अलेक्जेन्डरलाई रिहा गर्ने भएको छ । गाजाले बन्दी बनाएका मध्ये उनी अन्तिम जीवित इजरायली अमेरिकी भएको अनुमान गरिएको छ । मङ्गलबार अमेरिकी राष्ट्रपति डोनाल्ड ट्रम्पको हुन लागेको मध्यपूर्व भ्रमणको पूर्व सन्ध्यामा उनको रिहाइ हुने भएको हो ।

७० दिनदेखि इजरायली अवरोधका कारण मानवीय सहयोग रोकिएको गाजामा उक्त अवरोध खुला गर्ने इजरायलले जनाएको छ ।

यसअघि कतारमा हमासका प्रतिनिधिले अमेरिकी प्रशासनसँग सिधै वार्ता गर्ने जनाएको थियो । हमासले अलेक्जेन्डरलाई रिहाइ गर्न लागेको अमेरिका मार्फत थाहा पाएको समेत इजरायलले बताएको छ ।

अलेक्जेन्डरको रिहाइ गर्नुअघि हमासले मध्यस्थता गर्नेहरूसँग वार्ता गर्ने भएको छ । अलेक्जेन्डरको रिहाइको समयमा आक्रमण नहोस् भन्नका खातिर उनीहरूले सोमबार सुरुवातमा नै वार्ता अघि बढाउन लागेका हुन् ।

अमेरिकी राष्ट्रपति डोनाल्ड ट्रम्पले यसलाई सकारात्मक सङ्केतको रूपमा लिँदै विश्वासको वातावरण बन्न सक्ने सम्भावना व्यक्त गरेका छन् । उनले नै सामाजिक सञ्जाल मार्फत नै यस कुराको पुष्टि गरेका छन् ।

तेल अभिभमा जन्मिएर अमेरिकाको न्यु जर्सीमा हुर्किएका २१ वर्षीय अलेक्जेन्डर ७ अक्टोबर २०२३ मा अपहरणमा परेका थिए । उक्त दिन २५१ जना बन्दी बनाइएका मध्ये ५९ जना अझै रिहा भएका छैनन् । यी मध्य २४ जना जीवित रहेको अनुमान छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

राष्ट्रपति पौडेलद्वारा ज्येष्ठ नागरिकलाई सम्मान

पाकिस्तानसँगको युद्धविरामपछि भारतमा ३२ वटा विमानस्थल पुनः खुला

प्रतिकूल मौसमका कारण सगरमाथा आरोहण प्रभावित