एजेन्सी– अमेरिकाले अब यमनका हुथी विद्रोहीहरूमाथि बमबारी गर्न बन्द गर्ने भएको छ।
राष्ट्रपति डोनाल्ड ट्रम्पले मंगलबार हुथी विद्रोहीहरू विरुद्ध लगभग दुई महिनादेखि जारी अमेरिकी हवाई आक्रमण रोक्न आदेश दिएका छन्।
हुथी विद्रोहीहरूले अब लड्न नचाहेको बताएकाले आफूले यो निर्णय लिएको ट्रम्पले बताए। हुथीहरूले समुद्री करिडोरमा जहाजहरूमाथि आक्रमण गर्न बन्द गर्ने वाचा गरेको उनले बताएका छन्।
ओभल अफिसमा क्यानडाका प्रधानमन्त्री मार्क कार्नीसँगको भेटघाटमा ट्रम्पले यो घोषणा गरेका हुा्। ‘हामी तुरुन्तै लागू हुने गरी हुथीहरूमाथि बमबारी बन्द गर्नेछौं। हुथीहरूले अमेरिकी अधिकारीहरूलाई अब लड्न नचाहेको संकेत दिएका छन्। हामी त्यसको सम्मान गर्नेछौं, र हामी बमबारी बन्द गर्नेछौँ’ ट्रम्पले भनेका छन्।
गाजा पट्टीमा नाकाबन्दीको बदला लिन हुथी विद्रोहीहरूले समुद्रमा इजरायली जहाजहरूमा आक्रमण गर्ने धम्की दिएपछि अमेरिकाले मार्चमा हुथी विद्रोहीहरूमाथि बमबारी सुरु गरेका थिए। आवश्यक परेमा शक्तिशाली आक्रमण गर्ने उनले त्यति बेला नै भनेका थिए। चेतावनीको असर लाल सागर, एडेनको खाडी, बाब अल–मन्डेब जलडमरू र अरब सागरमा पर्ने बताइएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1774336446-1774337130.jpeg)
-1764146706.png)
