बैंकक–थाइल्यान्डमा शुक्रबार एउटा ठुलो दुर्घटना भएको छ।
विमान अचानक दुर्घटनाग्रस्त भएर समुद्रमा खसेपछि दुई टुक्रा भएको छ। विमान भित्र ६ जना प्रहरी थिए। यस घटनामा सबै जनाको मृत्यु भएको छ।
दुर्घटना भएको क्षेत्रमा त्रासको वातावरण छ। थाइल्यान्डको एक प्रसिद्ध समुद्री तटीय सहरमा दुर्घटना भएको थियो। एउटा सानो विमान उडान भर्ने क्रममा अचानक समुद्रको माथि दूघर्टनाग्रस्त भयो। यस दुर्घटनाको भिडियो सामाजिक सञ्जालमा भाइरल भइरहेको छ। रोयल थाई प्रहरीका प्रवक्ता आर्चायोन क्राइथोङले दुर्घटनाको पुष्टि गरेका छन्। हुआ हिन जिल्लामा प्यारासुट प्रशिक्षणको तयारीका लागि परीक्षण उडानमा रहँदा विमान अचानक दुर्घटनाको सिकार भएको उनले भनेका छन्।
दुर्घटना शुक्रबार बिहान ८ः१५ बजे भएको थियो। विमान दुर्घटनाग्रस्त भएपछि विस्फोटको आवाज टाढासम्म सुनिएको थियो। थाइल्यान्डको फेत्चाबुरी राज्यको चा–आम रिसोर्ट नजिकै भएको यो दुर्घटनापछि प्रहरी घटनास्थलमा पुगेर उद्धार कार्य सुरु गरेको थियो। घटनाबारे छानबिन सुरु भएको छ। विमानको ब्ल्याक बक्स फेला परेको छ। यसबाट दुर्घटनाको वास्तविक कारण पत्ता लाग्ने आशा गरिएको छ।
विमानले आपत्कालीन अवस्थामा प्रहरीलाई प्यारासुट तालिम दिँदै थियो। अचानक विमानले सन्तुलन गुमायो र समुद्रमा खस्यो। पाँच जना अधिकारीको घटनास्थलमै मृत्यु भएको थियो भने छैटौँ व्यक्तिको उपचारको क्रममा अस्पतालमा मृत्यु भएको बताइएको छ। स्थानीय अधिकारीहरूका अनुसार विमान जमिनबाट १०० मिटर तल समुद्रमा दुर्घटनाग्रस्त भएको थियो। विमान अचानक दुई भागमा टुक्रिएको थियो। मृतक सबैको शव समुद्रबाट निकालिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
