अमेरिकालाई चीनले लगायो १२५ प्रतिशत भन्सार

विश्व

नेपाल लाइभ शुक्रबार, चैत २९, २०८१ १७:१०

काठमाडौं– अमेरिकी राष्ट्रपति डोनाल्ड ट्रम्पले चिनियाँ आयातमा लाग्ने भन्सार बढाएर १४५ प्रतिशत पुर्‍याएपछि चीनले पनि अमेरिकी उत्पादनमा लाग्ने भन्सार दर बढाएर १२५ प्रतिशत पुर्‍याएको छ।

चीनलाई गलाउन भनेर ट्रम्पले सोमबार १०४ प्रतिशत भन्सार घोषणा गरेलगत्तै चीनले पनि अमेरिकी आयातमा ८४ प्रतिशत भन्सार लगाउने घोषणाले रिसाएका ट्रम्पले बिहिबार भन्सार बढाएर १४५ प्रतिशत पुर्‍याउने घोषणा गरेको अमेरिकी सञ्चारमाध्यमहरूले जनाएका छन्।

त्यसको जबाफमा शुक्रबार चीनले पनि अमेरिकी उत्पादनमा लाग्ने भन्सार दर बढाएर १२५ प्रतिशत पुर्‍याएको छ।

पछिल्लो वृद्धि घोषणा गर्दै चिनियाँ मन्त्रिपरिषद स्टेट काउन्सिलको भन्सार महसुल आयोगले यसपछि भने चीनले अमेरिकी उत्पादनमा थप भन्सार नबढाउने जनाएको भनेर हङकङबाट प्रकाशित हुने साउथ चाइना मर्निङ पोष्टले लेखेको छ।

अमेरिकाले भन्सारमा संख्याको खेल खेलिरहे पनि चीनले भने अब त्यसलाई बेवास्ता गर्ने सो आयोगले जानकारी दिएको छ।

अहिले कै दरमा नै अमेरिकी वस्तु चिनियाँ बजारमा बिक्न गार्‍हो हुने भन्दै अमेरिकाले अझै चीनमाथि थप भन्सार लगाए पनि चीनले अझै बढाउनुको आर्थिक रूपमा केही पनि अर्थ नहुने आयोगले स्पष्ट पारेको छ।

चीनलाई लगाएको भन्सार दर बढाएर १४५ प्रतिशत पुर्‍याए पनि ट्रम्पले ७० भन्दा बढी देशहरूलाई लगाएको पारस्परिक भन्सार भने ९० दिनका लागि रोकेका छन्। ती देशहरूले अमेरिकी कर नीतिको विरोध नजनाएको जबाफी भन्सार नलगाएको र छलफलका लागि तयार रहेको देखिएकाले ९० दिनका लागि रेसिप्रोकल भन्सार रोकेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राजावादी प्रदर्शनमा जलेर मृत्यु भएका पत्रकारका परिवार भेट्न पुगे राप्रपा अध्यक्ष लिङ्देनसहितका नेता

वीरगञ्जमा प्रशासनले लगायो कर्फ्यु

एमालेसँग जति कुनै पार्टीसँग युवा छैनन् : प्रधानमन्त्री ओली