लागूऔषध सम्बन्धी आरोपमा चार क्यानेडियाली नागरिकलाई चीनमा मृत्युदण्डको सजाय

विश्व

नेपाल लाइभ बिहीबार, चैत ७, २०८१ ११:२८

एजेन्सी –लागूऔषध सम्बन्धी आरोपमा चीनले चार क्यानेडियालीहरूलाई मृत्युदण्डको सजाय सुनाएको छ । अन्तर्राष्ट्रिय समाचार संस्था बीबीसीका अनुसार क्यानडाका अधिकारीले उक्त खबरको पुष्टि गरेका छन् ।

क्यानडाका विदेशमन्त्री मेलानी जोलीले बुधबार पत्रकारहरुसँग कुरा गर्दै उनीहरु सबैसँग दुई देशको नागरिकता रहेको र उनीहरुको परिवारको अनुरोधमा पहिचान गोप्य राखिएको बताएकी छिन् ।

उनले व्यक्तिगत रूपमा दयाको लागि अपिल पनि गरेकी छिन् । खबरहरूका अनुसार क्यानडास्थित चिनियाँ दूतावासका प्रवक्ताले क्यानाडाली नागरिकहरूले गरेका अपराधहरूको प्रमाण ठोस र पर्याप्त रहेको बताएका छन् । साथै उनले क्यानडालाई गैरजिम्मेवार टिप्पणी गर्न बन्द गर्न आग्रह पनि गरेका छन् ।

चीनले सम्बन्धित क्यानेडियाली नागरिकहरूको अधिकार र हितको पूर्ण ग्यारेन्टी गरेको चिनियाँ दूतावासले बताएको छ । चिनियाँ प्रवक्ताले क्यानडा सरकारलाई चीनको न्यायिक सार्वभौमसत्ताको सम्मान गर्न आग्रह पनि गरे ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रधानमन्त्री ओली र टर्कीका राष्ट्रपतिबीच टेलिफोन वार्ता

निजीकरण (पहिलो संशोधन) विधेयक पारित

विश्वकै खुसी नागरिक फिनल्यान्डका, नेपाली दक्षिण एसियाकै खुसी