भूमिसम्बन्धी अध्यादेशबाट पछि हट्यो सरकार

राजनीति

नेपाल लाइभ मंगलबार, फागुन २०, २०८१ ०८:५६

काठमाडौँ – सरकारले भूमिसम्बन्धी अध्यादेश तत्काल अघि नबढाउने भएको छ।

नेकपा एमालेका प्रमुख सचेतक महेश बर्तौलाले भोलि भूमिसम्बन्धी अध्यादेश छाडेर अन्य पाँच अध्यादेशको प्रतिनिधिसभामा स्वीकृत गराउने जानकारी दिए।

सत्तापक्षका केही दलको साथ नपाएपछि भूमि सम्बन्धी अध्यादेशमा सरकार पछि हटेको हो। जसपा नेपालका अध्यक्ष उपेन्द्र यादवसँगको छलफलपछि नै अन्य पाँच अध्यादेश अघि बढाउने निर्णय गरिएको बर्तौलाले बताए।

'भोलि प्रतिनिधिसभा बैठक बस्दै छ। आज कार्यव्यवस्था परामर्श समितिको बैठकमा यो विषय कार्यसूचीमा राख्ने तयारी गरेका छौँ' बर्तौलाले भने।

जसपा नेपालको आइतबारबाट जारी केन्द्रीय कमिटी बैठकमा पनि भूमि सम्बन्धी अध्यादेश कुनैपनि हालतमा नस्विकार्ने प्रस्ताव पेस गरिएको थियो। सत्तारुढ लोसपा पनि यस अध्यादेशमा सहमत नभएपछि सरकार पछि हट्न बाध्य भएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अफगानिस्तानले १४ करोड ३० लाख अमेरिकी डलरको फलफूल निर्यात गर्‍यो

ललितपुरको टीकाथलीमा बोरिङ खनेर पानी निकाल्न खोज्दा निस्कियो आगोको ज्वाला

एमाले मोरङको १० औँ अधिवेशन : आज मतदान