कार्यकर्तालाई निर्देशन दिँदै देउवाले भने – एक्लैले बहुमत ल्याउन सक्ने परिस्थिति छैन, धेरै सिट जित्नेतिर लाग्नुहोस् - नेपाल लाइभ :: नेपाल लाइभ :: Nepal Live

राजनीति

कार्यकर्तालाई निर्देशन दिँदै देउवाले भने – एक्लैले बहुमत ल्याउन सक्ने परिस्थिति छैन, धेरै सिट जित्नेतिर लाग्नुहोस्

नेपाल लाइभ सोमबार, फागुन १९, २०८१ १४:४१

काठमाडौं– नेपाली कांग्रेसका सभापति शेरबहादुर देउवाले पार्टीका नेताहरूबीच देखिएको मतभेदलाई अन्त्य गरेर एकताबद्ध भएर अघि बढ्नुपर्नेमा जोड दिएका छन् ।

प्रतिनिधि सभा क्षेत्रीय सभापति तथा क्षेत्रीय प्रशिक्षण शाखा प्रमुखहरूको प्रशिक्षण तथा अभिमुखीकरण कार्यक्रमलाई सम्बोधन गर्दै संविधान अनुसार एक्लै बहुमत ल्याउन गाह्रो रहेको बताए ।

उनले भने, ‘भोलिका दिनमा हुने चुनावमा हाम्रो पार्टीले बहुमत ल्याउन सक्छ। धेरै काम गर्न सकिन्छ । तर, संविधान अनुसार सहज छैन। त्यसैले हामी एकताबद्ध भएर लाग्नुपर्छ। अहिले पनि हामी ठूलो पार्टी छौँ।’

उनले ६/६ महिनामा सरकार बदलिने अवस्था आएकाले अहिलेको सत्ता समीकरण बनेको बताए । उनले अहिलेको सत्ता सहकार्यलाई एकताबद्ध बनाएर जानुपर्ने जोड दिए ।

उनले भने, ‘६/६ महिनामा सरकार बदलिने अवस्थाबाट मुक्तिका लागि अहिले एमालेका नेता केपी ओलीलाई प्रधानमन्त्री बनाउने सहमति गरेको छौं। दुई तिहाइ नजिक पर्याप्त बहुमत छ। बहुमतको सरकार छ। यो गठबन्धनलाई एकताबद्ध भएर अगाडि बढाउँछौं।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जागरण अभियान बहुआयामिक र गुणात्मक भएको माओवादीको निष्कर्ष

आगामी आर्थिक वर्षको बजेट तर्जुमा सम्बन्धी ८ बुँदे मार्गदर्शन जारी

केपी ओली कप: लगातार तीन संस्करण जित्दै उपाधिमा मच्छिन्द्रको ह्याट्रिक