देशमा प्रत्यक्ष निर्वाचित प्रधानमन्त्री चाहिन्छ : ज्ञानेन्द्र शाही

राजनीति

नेपाल लाइभ सोमबार, फागुन १९, २०८१ ०८:३५

धनगढी– राष्ट्रिय प्रजातन्त्र पार्टीका प्रवक्ता ज्ञानेन्द्र शाहीले देशमा प्रत्यक्ष निर्वाचित प्रधानमन्त्री चाहिने बताएका छन्।

राप्रपा सुदूरपश्चिम प्रदेश समितिले आइतवार धनगढीमा आयोजना गरेको भ्रष्टाचार र कुशासनका विरुद्ध वृहत् विरोध सभामा बोल्दै उनले यस्तो बताएका हुन्।

उनले भने, ‘पटक–पटक असफल भएकाहरू प्रधानमन्त्री भइराख्ने व्यवस्थाले अवस्था परिवर्तन हुँदैन्। प्रत्यक्ष निर्वाचित प्रधानमन्त्री भएमा विज्ञहरूको मन्त्रीमण्डल बन्छ। ज्ञान र क्षमता भएका मान्छे ठाउँमा पुगे विकास हुन्छ।’

विरोध सभामा उनले भने, ‘जनताको अवस्था सुधार गर्न व्यवस्था,परिवर्तन हुनुपर्छ। प्रदेश संरचनाले ठूलो व्ययभार बढेकाले यसलाई खारेज गर्नुपर्छ। प्रदेश संरचनामा हुने खर्च अस्पताल निर्माण,उद्योगधन्दामा लगाउनु पर्छ। जसले रोजगारीको सिर्जना हुन्छ।’

उनले राजनीतिक खिचातानीका कारण देश बर्बाद भइरहेको बताएका छन। ‘शिक्षा, स्वास्थ्यको गुणस्तरमा सुधार ल्याउनुपर्छ। युवा रोजगारीको अवसर नपाउँदा विदेशीन बाध्य छन् । रोजगारीमा सरकारको ध्यान जानुपर्छ,’ उनले भने।

उनले मन्त्री प्रधानमन्त्री बदलेर मात्रै देश नबन्ने उल्लेख गरे। उनले राष्ट्रिय सभामा पनि विज्ञताका आधारमा सांसद राख्नुपर्ने बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

ट्रकले मोटरसाइकललाई ठक्कर दिँदा एकको मृत्यु, एक घाइते

स्वस्तिमा खड्का नेपाल टेलिकमको ‘ब्रान्ड एम्बेसडर’मा नियुक्त

भ्रमको खेतिमा पीएचडी पाउन मिल्ने हो भने अहिलेको सरकारलाई दिए हुन्छ – मेयर शाह