धेरै चुरीफूरी नगर्न पूर्वराजालाई माओवादी सांसद शर्माको चेतावनी

राजनीति

नेपाल लाइभ मंगलबार, फागुन १३, २०८१ १६:११

काठमाडौं– नेकपा माओवादीकी सांसद एवं पूर्वसञ्चारमन्त्री रेखा शर्माले पूर्वराजा ज्ञानेन्द्र शाहले प्रजातन्त्र दिवसमा दिएको अभिव्यक्तिको आलोचना गरेकी छन् । उनले पार्टी खोलेर राजनीतिमा आई प्रधानमन्त्री बन्न चुनौतीसमेत दिइन् ।

मंगलबार प्रतिनिधिसभाको विशेष समयमा बोल्दै सांसद शर्माले अहिलेको संविधानले सबैलाई दल खोल्न कुनै बन्देज नगरेको बताइन् ।

उनले भनिन्, ‘पूर्वराजाले बाहिर विभिन्न अभिव्यक्ति दिएका सुनिरहेका छौं । लामो त्याग, बलिदानबाट निरंकुश राजतन्त्रको अन्त्य गरेर संघीय लोकतान्त्रिक गणतन्त्रमा छौं । हिजो जनमुक्ति सेनाको गठन भयो, जनयुद्ध भयो । जनयुद्धको जगमा जनआन्दोलन भयो । र, आज आएर संसदमा माओवादी पार्टीलाई कित्ता क्लियर गर भनेर उर्दी जारी हुँदैछ । पूर्वराजालाई के भन्न चाहन्छु भने राजनीतिमा आउने हो भने । पार्टी खोल्ने-दर्ता गर्ने, राजनीतिमा आएर प्रधानमन्त्री बन्ने । किनभने अहिलेको संविधान निरंकुश छैन । सबैलाई पार्टी खोल्ने अधिकार दिएको छ । त्यतातिर जानु उपयुक्त हुन्छ धेरै चुरीफुरी गर्न आवश्यक छैन ।’

उनले संसदमाथि सरकारको निरन्तर बलमिच्याइँ भइरहेको टिप्पणीसमेत गरिन् । सरकारलाई सांसदहरूले सोधेका प्रश्नको जवाफ सरकारले नभइ सत्तारुढ सांसदहरूले दिने अवस्था बनेको उनको जिकिर थियो ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सुरक्षा जोखिमलाई लिएर पाकिस्तानमा जारी पिएसएलका बाँकी खेल युएईमा सारियो

भारत–पाकिस्तान ड्रोन र मिसाइल हानाहान पछि भारतले बन्द गर्‍यो दुई दर्जन बढि विमानस्थल

नेपाल सरकारद्वारा भारत–पाकिस्तानबीच बढ्दो तनावप्रति चिन्ता व्यक्त