ट्रम्प प्रशासनले यूएसएडका दुई हजार बढि कर्मचारीहरूलाई बिदा दिने निर्णय

विश्व

नेपाल लाइभ सोमबार, फागुन १२, २०८१ १२:३२

काठमाडौँ –राष्ट्रपति डोनाल्ड ट्रम्पको प्रशासनले यूएसएडका दुई हजार कर्मचारीहरूलाई बिदा दिने र बाँकी रहेका अधिकांश कर्मचारीहरूलाई प्रशासनिक बिदामा राख्ने निर्णय गरेको छ ।

अमेरिकी अन्तर्राष्ट्रिय विकास निकाय (एजेन्सी)का लगभग २,००० कर्मचारीहरूलाई आइतबार बिदामा राखिनेछ । बाँकी रहेका पूर्ण–कालीन कर्मचारीहरूको बहुमतलाई रातारात प्रशासनिक बिदामा राखिनेछ । सिएनएनका अनुसार कामदारहरूलाई बिधुतिय डाक (इमेल)मा जानकारी गराइएको थियो ।

मिशन–महत्वपूर्ण कार्यहरू, मुख्य नेतृत्व वा विशेष रूपमा तोकिएका कार्यक्रमहरूको लागि जिम्मेवार तोकिएका कर्मचारीहरू बाहेक सबै यूएसएडमा प्रत्यक्ष नियुक्त कर्मचारीहरूलाई विश्वव्यापी रूपमा प्रशासनिक बिदामा राखिनेछ ।

अमेरिकाको पूर्वीय समय २ः४२ मिनेटमा कर्मचारीहरूलाई बिधुतिय डाक (इमेल)मा पठाइएको जुन सिएनएनले प्राप्त गरेको छ । प्रशासनिक बिदा आइतबार पूर्वीय समय राति ११ः५९ बजे लागू हुनेछ । एकै समयमा यूएसएडले कर्मचारी घटाउने कार्य लागू गर्न थालेको छ जसले संयुक्त राज्य अमेरिकामा भएका लगभग २,००० कर्मचारीहरूलाई असर गर्नेछ ।

शुक्रबार एक संघीय न्यायाधीशले निकायका हजारौं कर्मचारीहरूलाई बिदामा राख्नबाट सरकारलाई रोक्ने अस्थायी प्रतिबन्ध आदेश खारेज गरेपछि ट्रम्प प्रशासनले निकायलाई सफा गर्ने काम सप्ताहन्तसम्म जारी राखेको छ । एजेन्सी ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

पाकिस्तानले घोषणा गर्यो भारतविरुद्ध अपरेशन ‘बुन्यान उल मर्सूस’

आजदेखि वीरेन्द्रनगरमा ‘कर्णाली छोरी सम्मेलन’ हुँदै

आजको मौसमः पहाडी क्षेत्रमा आंशिक बदली, मुख्यतया सफा रहने