काठमाडौं– नेपाली कांग्रेसका महामन्त्री गगन थापाले माओवादी सशस्त्र युद्धलाई जनयुद्ध नभएर धनयुद्धको संज्ञा दिएका छन्।
रोल्पामा कांग्रेसको दोस्रो जिल्ला सम्मेलनलाई सम्बोधन गर्दै महामन्त्री थापाले निहत्था नागरिकको हत्या गर्ने माओवादीको जनयुद्ध नभएर धनयुद्ध भएको बताएका हुन् ।
माओवादीको हतियारको राजनीतिलाई धनयुद्ध र व्यक्तिहत्याको राजनीति रहेको उनको भनाइ छ ।
उनले माओवादीले गरेको हतियारको राजनीति नेपाली जनताका लागि नभएको र यसले धेरै संकट निम्त्याएको बताए। थापाले माओवादीले नागरिकहरूको हत्या गरेको र यो कुनै पनि हालतमा जनयुद्ध नभई धनयुद्ध र व्यक्तिहत्याको राजनीति मात्र भएको दाबी गरे।
‘माओवादीले गरेको हतियारको राजनीति नेपालीका लागि थिएन, कुनै माओवादीले हतियार उठाउनुको कारणबारे स्पष्ट जवाफ दिन सकेको छैन । हतियारको राजनीति कांग्रेसले पनि गरेको थियो, सर्वसाधारणमाथि कांग्रेसले कहिले तारो बनाएन तर माओवादीले धेरै निहत्या माओवादी मारेर छाड्यो, व्यक्ति हत्याको लामो श्रृंखला चल्यो नेपाली कांग्रेसले कहिले त्यसको पक्षमा साथ दिने छैन ।’
उनले भने ‘सारा देशमा माओवादीको हतियारको राजनीतिले धेरै संकट बनाएकोले कांग्रेसले हिंसालाई टुंगो लगाउन नेतृत्व लिएको हो, शान्ति प्रकृयामा नेतृत्व गरेको हो ।’ महामन्त्री थापाले भने–‘व्यक्ति हत्याको युद्ध कुनैपनि हालतमा जनयुद्ध थिएन, धनयुद्ध थियो, त्यो माओवादीको सबै कामले प्रष्ट देखाएको हो, मैले प्रचण्डकै अगाडि भनेको छ ।’
उनले नेपाली कांग्रेसले शान्ति प्रक्रियामा नेतृत्व गरेको र हिंसालाई टुंगो लगाउने प्रयास गरेको बताए। थापाले माओवादीले गरेको हतियारको राजनीतिले देशमा धेरै समस्या सिर्जना गरेको र यसले नागरिकहरूमा छटपटि निम्त्याएको बताए। उनले संविधान बनेपछि पनि केही राजनीतिक ताकतहरूले गलत प्रचार गरेको आरोप लगाए।
‘उत्तेजनाको राजनीति गर्न सजिलो छ तर चेतनाको राजनीति गर्न गाह्रो छ । हामी चेतनाको राजनीति गर्ने हो, नेपाली कांग्रेसले चेतनाको राजनीति गरिरहेको छ । उत्तेजनाको राजनीति गर्नेहरु एकछिनको प्रचारमा सीमित हुन्छन् ।’ उनले भने–‘अब निराशको राजनीति मात्रै नगरौं, पछिल्लो समय धेरै विकासका काम भएका छन्, सोचेजस्तो र चाहेजस्तो भएको छैन तर केही भएन भनेर सबैलाई निराशा बनाउने काम बन्द गरौं, नेपाली कांग्रेसले प्रजातन्त्रबहालीपछि भएका सरकारको नेतृत्वमा गरेका महत्वपूर्ण कामको विषय आमनागरिकसमक्ष पुराउन जरुरी छ । शान्तिप्रकृया टुंगाउने काम र संविधानलाई पूर्णता दिने कामको नेतृत्व कांग्रेसले गरेको हो ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1789631269.jpg)
