जुम्ला –नेपाल कम्युनिस्ट पार्टीका महासचिव नेत्रविक्रम चन्द ‘विप्लव सी’ले जुम्लामा स्याउ रोप्ने अभियानको सुरुवात गराएका छन् ।
नेकापाको केन्द्रीय कार्यलयको आयोजनामा आइतबार जुम्लाको हिमा गाउँपालिका–७ धौलापानीमा करिब १४ हजार वर्गमिटर जमिनमा स्याउ रोप्न थालिएको हो ।
महासचिव विप्लवले कार्यक्रमको उद्घाटन गर्दै राजनीतिक क्रान्तिसँगै आर्थिक क्रान्तिलाई नजोडेसम्म देशको स्वाधीनता र आत्मनिर्भर सम्भव नहुने निष्कर्ष आफूहरूले निकालेको बताएका छन । उनले पहिला नेता र कार्यकर्तालाई कृषि उत्पादनमा जोडेर सबै जनतालाई कृषि क्रन्तिमा लगाउँदै देशलाई आत्मनिर्भर बनाउने योजना रहेको सुनाए ।
उनले हावापानी र मौसमअनुसारको फलफुल बालीनाली उत्पादन गरिरहेको पनि बताए । ‘अहिले हाम्रा नेताकार्यकर्तालाई देशैभर खानका लागि कहीँकतै माग्नुपर्ने अवस्था छैन । देशैभर सबै नेता–कार्यकर्ता उत्पादनमा लागेका छौँ ।’
महासचिव विप्लवले जगा उपलब्ध गराउने हिमा गाउँपालिका–७ धाँचुगाउँकी कृष्ण कौडा शाहीलाई धन्यवाद दिए । ‘उहाँ शहीद परिवार पनि हुनुहुन्छ, उहाँले हामीलाई जग्गा उपलब्ध गराउनु भयो ।’
स्याउ रोप्ने अभियानमा महासचिव विप्लव लगायत अन्य नेता तथा कार्यकर्ताहरुको सहभागिता रहेको थियो । आइतबार (आज) धौलापानीमा करिब १ हजार बढी बिरुवा रोपेर सोमबार बिहान कालीकोटको तिलागुफा नगरपालिकाको फोहिईमा स्याउ रोप्ने अर्को अभियान चलाइने नेकपाका केन्द्रीय सदस्य अडिक सीले जानकारी दिएका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
