कांग्रेस-एमालेलाई प्रचण्डको आग्रह : तपाईंहरू एक हुनुस् र तागत देखाउनुस्, म एक्लै जनतामा जान्छु

राजनीति

नेपाल लाइभ शुक्रबार, फागुन ९, २०८१ २०:२८

कास्की– नेपाल कम्युनिष्ट पार्टी (माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले पार्टीले पहिचान र अधिकारका मुद्दालाई कहिल्यै पनि नछाडेको बताएका छन्।

पोखरामा आज तमु राष्ट्रिय मुक्ति मोर्चा नेपालको राष्ट्रिय भेलाको उद्घाटन गर्दै उनले संविधान निर्माणका बेलामा पहिचानका सन्दर्भमा फरक मत दर्ज गरिएको उल्लेख गरे।

“उत्पीडित वर्ग र जातिका अधिकारलाई सकेको जति संविधानमा लिपिबद्ध गरेका छौँ, गर्न नसकेका कुरामा भिन्न मत लेखेका छौँ। हामीले बीचमा हाम्रो वर्ग, समुदाय र हाम्रा मुद्दाहरू कमजोर गरी समात्यौँ । समात्न छाडेका त थिएनौँ, दरिलो गरी समात्न सकेका थिएनौँ। अब सबैको एकताबद्ध प्रयासले पहिचान र अधिकारको मुद्दालाई अगाडि बढाउछौँ”, अध्यक्ष दाहालले भने।

अध्यक्ष दाहालले पार्टी विसं २०८४ को आगामी निर्वाचनसम्म सरकारमा नजाने स्पष्ट पारे। उनले एक्लै चुनाव लड्ने र जनतालाई बलियो बनाएर बहमुत ल्याउने दाबी गरे। उनले भने, “कांग्रेस र एमालेले अर्को चुनाव मिलेर लड्नुस्। हामी एक्लै जनतामा जान्छौँ, जनताको तागतमा विश्वास गर्छौँ। तपाईहरू एकताबद्ध हुनुस्, आफ्नो तागत देखाउनुस्।”

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अभिनेता दिलीप रायमाझीलाई पितृशोक

प्रधानसेनापति म्याराथनमा नेपाली सेनाका खड्का प्रथम

धमाधम बन्दैछ ४०० केभीको लप्सीफेदी सबस्टेसन