नेपाली विद्यार्थीको सुरक्षा सुनिश्चितता गर्ने ओडिसाका शिक्षा मन्त्रीको प्रतिबद्धता

राजनीति

नेपाल लाइभ बिहीबार, फागुन ८, २०८१ ०९:४६

काठमाडौँ – भारतको ओडिसा राज्यका शिक्षामन्त्री सूर्यवंशी सुरजले कालिंगा इन्स्टिच्युट अफ इन्डस्ट्रियल टेक्नोलोजी (केआईआईटी)मा अध्ययनरत नेपाली विद्यार्थीको सुरक्षा सुनिश्चितता गर्ने प्रतिबद्धता जनाएका छन् ।

एक सूचना जारी गर्दै उनले त्यहाँ रहेका नेपाली विद्यार्थीको सुरुक्षा सुनिश्चितताका लागि सहायता कक्ष (हेल्पडेस्क)समेत राखिएको जनाउँदै विद्यार्थीलाई कुनैपनि खालको सहायतका आवश्यकता परेमा सहयोग लिनसक्ने जनाएका छन् ।

यस विषयमा आफ्नो गम्भीर ध्यानाकर्षण भएको उल्लख गर्दै विद्यार्थीको सुरक्षा र सहायताका लागि २४ सै घण्टा सहायताकक्ष सक्रिय रहने उनले जारी गरेको विज्ञप्तिमा उल्लेख छ ।

केआईआईटीमा विटेक तेस्रो वर्षमा अध्ययनरत बुटवलकी छात्रा प्रकृति लम्सालको शंकास्पद ‘मृत्यु’ पश्चात् विरोध गर्ने नेपाली विद्यार्थीलाई रातारात निकाल्ने र दुर्व्यवहार गर्ने गरेको पाइएपछि विद्यार्थीको सुरक्षाका सम्बन्धमा सबैको चासो छ । यस बिषयमा नेपाल र भारतमा अहिले पनि विरोध भइरहेको छ । मृतक छात्रा प्रकृतिको बुधबार राति उनको घर भैरहवाको स्वर्गद्वारीमा अन्तिम संस्कार गरिएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कांग्रेस सम्पूर्ण जातजातिलाई एकापसमा जोड्ने पार्टी होः महामन्त्री थापा

संसद् छँदै अध्यादेश ल्याएर सरकारले गलत गर्‍यो : शेखर कोइराला

कांग्रेस-एमालेलाई प्रचण्डको आग्रह : तपाईंहरू एक हुनुस् र तागत देखाउनुस्, म एक्लै जनतामा जान्छु