बाँदर नियन्त्रण र यार्सागुम्बा सङ्कलनमा बालबालिका प्रयोगबारे दुई जरुरी सार्वजनिक महत्वको प्रस्ताव दर्ता

राजनीति

नेपाल लाइभ सोमबार, माघ २८, २०८१ २१:००

काठमाडौं– प्रतिनिधिसभामा बाँदर नियन्त्रणका लागि जरुरी सार्वजनिक महत्वको प्रस्ताव दर्ता भएको छ । कांग्रेस सांसद राजेन्द्र बजगाईँले उक्त प्रस्ताव दर्ता गरेका हुन् ।

प्रस्तावको उदयशमशेर जबरा र सञ्जयकुमार गौतमले समर्थन गरेका छन् । प्रस्तावमा नेपालका ग्रामीण क्षेत्रमा बाँदर र जङ्गली सुँगुर (बँदेल) को बढ्दो समस्या किसानहरूका लागि गम्भीर चिन्ताको विषय बनेको उल्लेख छ ।

त्यस्तै सांसद बजगाईँ र कान्तिका सेजुवालले नेपालका उच्च हिमाली क्षेत्रमा हरेक वर्ष हजारौँ बालबालिकालाई यार्सागुम्बा सङ्कलन गर्न जान बाध्य पारिएकोबारे अर्को प्रस्ताव दर्ता गरेका छन् ।

जसले गर्दा बालबालिकाहरू शिक्षाबाट वञ्चित हुनुपर्ने अवस्था, श्रम शोषण र जङ्गली जनवारको सिकार बन्न सक्ने भएकाले यार्सागुम्बा सङ्कलनमा बालबालिका सहभागी हुन नदिन कानुनी प्रतिबन्ध लागू गर्न तथा १८ वर्षमुनिका बालबालिकालाई यार्सागुम्बा सङ्कलन गर्न रोक लगाउन प्रस्ताव गरिएको छ । यो प्रस्तावको समर्थकमा सुरेन्द्रराज आचार्य र चन्दा चौधरी रहेका छन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

धरहरा प्रवेश शुल्कबाट एक करोड ५२ लाखको राजस्व संकलन, अब ५ बजेसम्म खुला रहने

आजको मौसमः तराईमा हुस्सु, पहाडका केहि क्षेत्रमा सामान्य बदलीको सम्भावना

जापानले हेल्थ केयरमा २० हजार नेपाली लैजाने