एजेन्सी – २७ वर्षपछि दिल्लीमा भारतीय जनता पार्टी (भाजपा) ले पुनरागमन गर्ने भएको छ।
निर्वाचन आयोगका अनुसार दिल्ली विधानसभा चुनावमा भाजपाले ५ सिट जितेको छ भने ४३ सिटमा अगाडि छ । अर्थात् भाजपाले कुल ४८ सिट जित्ने देखिएको छ ।
आम आदमी पार्टी (आप) ले पनि ६ सिट जितेको छ भने १६ सिटमा अग्रता लिएको छ । उसले कुल २२ सिट प्राप्त गर्ने छ। कांग्रेसले एक सिट पनि पाएको छैन।
उता आपका प्रमुख नेता अरविन्द केजरीवाल नयाँ दिल्लीबाट र सिसोदिया जंगपुरा सिटबाट चुनाव हारेका छन् । मुख्यमन्त्री आतिशीले कालकाजी सिटबाट चुनाव जितेकी छिन्। सत्येन्द्र जैनले पनि चुनाव हारेका छन्।
केजरीवाललाई पराजित गर्ने भाजपा उम्मेदवार प्रवेश वर्मा अमित शाहलाई भेट्न पुगे। दिल्लीस्थित भाजपा मुख्यालयमा उत्सव जारी छ। प्रधानमन्त्री नरेन्द्र मोदी साँझ ७ बजे पार्टी मुख्यालय पुग्नेछन् र कार्यकर्ताहरूलाई सम्बोधन गर्नेछन्।
केन्द्रीय गृहमन्त्री अमित शाहले दिल्लीका जनताले बारम्बार झूटा वाचा गरेर जनतालाई भ्रमित गर्न सकिँदैन भनेर देखाएको बताएका छन्। शाहले सामाजिक सञ्जाल प्लेटफर्म एक्समा एक पोस्टमा लेखेका छन्, ‘जनताले फोहोर यमुना, फोहोर पिउने पानी, भत्किएका सडकहरू, भरिएर बग्ने ढल र हरेक सडकमा खुलेका मदिरा पसलहरूलाई आफ्नो मतले प्रतिक्रिया दिएका छन्।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1734944616.jpg)
-1786602170.png)
