रास्वपाको निष्कर्ष: गुण र दोषका आधारमा अध्यादेशबारे खरो बहस गर्ने

राजनीति

नेपाल लाइभ सोमबार, माघ १४, २०८१ १८:१४

फाइल तस्विर

काठमाडौं– राष्ट्रिय स्वतन्त्र पार्टी (रास्वपा) ले सरकारले ल्याएको अध्यादेशबारे गुण र दोषका आधारमा खरो बहस गर्ने निर्णय गरेको छ।

सोमबार बसेको पार्टीको सचिवालय बैठकले सरकारले ल्याएका अध्यक्षको प्रक्रिया र नियत खोटपूर्ण रहेको ठहर पनि गरेको छ।

पार्टीकी कार्यबाहक प्रवक्ता प्रतिभा रावलले जारी गरेको विज्ञप्तिमा संसद्मा दुई तिहाइ बहुमत भएको सरकारले अक्षमता र निरीहता स्पष्टसँग प्रदर्शित भएको, व्यवस्थामाथि नै प्रश्नचिन्ह खडा हुने अवस्था निम्तिएको र यसको जिम्मेवार दुई प्रमुख सत्ता साझेदार दलले लिनुपर्ने निष्कर्ष निकालेको उल्लेख गरिएको छ।

केन्द्रीय सचिवालय सदस्य/पदाधिकारीहरुको नेतृत्वमा आगामी फागुन महिनामा सातै प्रदेशमा सर्वाङ्गीण संवाद गर्ने र संवाद कार्यक्रममा उपयुक्तताअनुसार केन्द्रीय नेता र सांसदहरुलाई संवाद कार्यक्रममा समावेश गर्ने निर्णय भएको पनि उनले जानकारी दिइन्।

त्यस्तै, बैठकले पार्टीका विषयगत विभाग संचालन नियमावली २०८१ को संशोधन प्रस्ताव, संगठन विभाग नियमावली २०८१ र निर्वाचन आयोगको नियमावली २०८१ पारित गरेको जानकारी गराइएको छ।

प्रदेश समितिलाई प्रदेश तहमा ३ सदस्यीय कार्यदल बनाई सम्बन्धित प्रदेशभित्रका स्वतन्त्र जनप्रतिनिधिहरुलाई रास्वपामा आबद्ध गर्न गराउन सुझावसहितको प्रतिवदेन पार्टी महामन्त्रीलाई बुझाउन निर्देशन दिने निर्णय बैठकले गरेको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

निजी मेडिकल कलेजका आवासीय चिकित्सकले निर्वाह भत्ता पाउने

फास्ट ट्रयाकमा अध्यादेश पारित गर्ने सरकारको निर्णय, संसद छल्ने नियत नभएको प्रष्टीकरण

‘लोकतान्त्रिक सांस्कृतिक अभियान’ लिएर देश दौडाहा गर्दै लोकगायक विमलराज क्षेत्री