काठमाडौं – काठमाडौंको केही ठाउँको वायुप्रदुषणको स्तर उच्च रहेको विपद् व्यवस्थापनविद् डा धर्मराज उप्रेतीले बताए। जावालाखेल लगायत ललितपुरका केही क्षेत्रमा २०७ एयर क्वालिटी इन्डेक्स पुगेको उनी बताउँछन्। जसलाई घातक तह मानिन्छ।
काठमाडौं उपत्यकाका अन्य स्थानहरुमा पनि एयर क्वालिटी इन्डेक्स २ सयको हाराहारी रहेको छ। नेपालको काठमाडौं उपत्यका बाहिरका स्थानमा भने वायु स्तर धेरै घातक अवस्थामा पुगिनसकेको उनी बताउँछन्।
उनका अनुसार पश्चिमी वायु एकदमै निस्क्रिय रहनुले काठमाडौंको वायु प्रदुषण घातक अवस्थामा रहेको हो।पश्चिमी वायु निस्क्रिय हुनु, काठमाडौं हुने गरेको आगलागी तथा बाहिरबाट आएको प्रदुषण, हिउँद सुख्खा,पानी नपर्नु कारणले पनि काठमाडौमा वायु प्रदुषणको स्तर उच्च भएको उनको तर्क छ। वायुमण्डलमा धुँलो, धुवा मिसिएपनि बाहिर जान नपाउनुका कारण काठमाडौंमा प्रदुषण बढ्न पुगेको हो।
'वायु बाहिर जानका लागि पानी पर्नु तथा हावा चल्नुपर्ने हुन्छ तर यी दुवै अवस्था नआउँदा प्रदुषण उच्च छ', उनले भने। अझै केही दिन काठमाडौंको वायु प्रदुषण बढ्न सक्ने उनको चेतावनी छ। यो वायुको गुणस्तर अझै पनि घातक अवस्थामा जान सक्ने सम्भावना रहेको तथा यही अवस्थाले पनि मानव स्वास्थ्यमा गम्भीर असर पर्न सक्ने डा उप्रेतीको दाबी छ।
यस्तो वायुले श्वासप्रश्वास सम्बन्धि समस्या भएका तथा मुटु रोगका बिरामीहरुलाई असर गर्ने चिकित्सकहरु बताउँछन्। रोग नै नलागेका मानिसहरु समेत यसबाट श्वासप्रश्वासका रोगी हुन सक्ने सम्भावनालाई बढाउँछ।
वायु प्रदुषणबाट बच्न घरबाहिर निस्किदा अनिवार्यरुपमा मास्कको प्रयोग गर्नका लागि चिकित्सकहरु सुल्झाउँछन्। स्वास्थ्य मन्त्रालयले अनिवार्य रुपमा मास्क प्रयोग गर्नका लागि सार्वजनिक सुचना नै जारी गर्नुपर्ने डा उप्रेती बताउँछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
