अध्यादेशबारे एमालेले दियो सांसदहरूलाई प्रशिक्षण

राजनीति

नेपाल लाइभ बुधबार, माघ ९, २०८१ १५:२८

काठमाडौं– नेकपा (एमाले) ले सरकारले ल्याएका अध्यादेशबारे आफ्ना सांसदहरूलाई प्रशिक्षण दिएको छ।

नयाँ बानेश्वरस्थित संघीय संसदको ल्होत्से हलमा बुधबार एमाले संसदीय दलले अध्यादेशबारे सांसदहरूलाई प्रशिक्षण दिएको हो।

‘अध्यादेशहरूबारे संसदीय दल र हाम्रा मन्त्रीहरूबीच छलफल राखिएको हो’, प्रमुख सचेतक महेश बर्तौलाले भने ।

अधिवक्ताहरू केदार कोइराला र राजेन्द्र घिमिरेले सांसदहरूलाई प्रशिक्षण दिएका हुन्।

सरकारले गत साता ५ वटा अध्यादेश ल्याएको थियो।

सुशासन प्रवर्द्धनसम्बन्धी, आर्थिक कार्यविधि तथा वित्तीय उत्तरदायित्वसँग सम्बन्धित, निजीकरण, आर्थिक तथा व्यावसायिक वातावरण सुधार र लगानी अभिवृद्धिसँग सम्बन्धित र भूमिसम्बन्धी अध्यादेश मन्त्रिपरिषद्को सिफारिसमा राष्ट्रपतिले जारी गरेका थिए।

संसदको आगामी पुस १८ गतेबाट सुरू हुने हिउँदे अधिवेशनमा अध्यादेशबारे विरोध हुन सक्ने देखेर एमालेले सांसदहरूलाई प्रतिरक्षाका लागि तयारी गर्न लागेको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एआई प्रवर्द्धनमा ५०० अर्ब डलर लगानी गर्ने ट्रम्पको घोषणा

रविको बयान सकियो, थुनछेक बहस आज नहुने

मुनाफा आर्जनलाई निरन्तरता दिँदै राष्ट्रिय वाणिज्य बैंक