कांग्रेसकै सहारामा प्रधानमन्त्री बनेकाले ओली एक्लै अघि बढ्न नसक्ने सिटौलाको दाबी

राजनीति

नेपाल लाइभ बिहीबार, पुस १८, २०८१ १८:३८

काठमाडौं– नेपाली कांग्रेसका नेता कृष्णप्रसाद सिटौलाले कांग्रेसकै सहारामा प्रधानमन्त्री बनेकाले ओली एक्लै अघि बढ्न नसक्ने दाबी गरेका छन्।

बिहीबार काठमाडौंमा आयोजित एक कार्यक्रमलाई सम्बोधन गर्ने क्रममा उनले कांग्रेसकै सहारामा प्रधानमन्त्री बनेकाले ओली एक्लै अघि बढ्न नसक्ने बताएका हुन्।

उनले अहिलेको सरकार आफ्नो पार्टीको बलामा रहेको पनि बताए।

‘आखिर यो सरकार हाम्रो बलमा छ। केपी ओलीजी प्रधानमन्त्री हाम्रो बलमा हुनुहुन्छ। हाम्रो सहारामा हुनुहुन्छ,’ सिटौलाले भने, ‘हामी बेगर उहाँ अगाडि एक्लै जान सक्नुहुन्छ भनेर कल्पना पनि गर्न सक्दैनौँ।’

अहिलेको सरकार विशेष परिस्थितिबाट निर्माण भएकाले यसलाई जोगाएर लैजानुपर्ने आवश्यकता रहेको सिटौलाको भनाइ थियो। बनिसकेको सरकारलाई बीचमा भत्किन दिनु नहुने भन्दै उनले सरकारका नीति र व्यवहारबाट जनताका बीचमा काम गर्नुपर्ने पनि बताएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भूमिसम्बन्धी समस्या सामाधान गर्न आयोगले द्रुतगतिमा काम गर्नेछः उपप्रधानमन्त्री सिंह

रास्वपा केन्द्रीय समिति बैठक: संगठन निर्माण अभियान सक्रिय बनाउने निर्णय

‘कार्साङ’को ट्रेलरमा शेर्पा समुदायको कथा