वीरगन्जमा रविको बयान सुरु हुँदै, छवि फर्काइँदै

राजनीति

नेपाल लाइभ मंगलबार, मंसिर २५, २०८१ ११:४१

काठमाडौं– सहकारी ठगी मुद्दामा बयानका लागि वीरगन्ज लगिएका रास्वपा सभापति तथा पूर्वगृहमन्त्री रवि लामिछानेको बयान आजबाटै शुरु हुने भएको छ।

सोही मुद्दामा त्यहाँ लगिएका पूर्वडीआईजी छविलाल बन्जाडे जोशी र रामबहादुर खनालको बयान सोमबार नै सकिएको जिल्ला प्रहरी स्रोतले जनाएको छ। जोशी र खनाललाई आजै जहाजको सिमरा-काठमाडौं उडान हुँदै पोखरा पठाउने तयारी छ।

जिल्ला सरकारी वकिलको कार्यालय स्रोतले जनाएअनुसार रविको बयान भोलिसम्म सकिन्छ। बयानपछि उनलाई पनि सिमराबाट काठमाडौं हुँदै पोखरा पठाउने तयारी छ।

वीरगन्ज महानगरपालिका-६, आदर्शनगरमा सञ्चालित सानो पाइला बचत तथा ऋण सहकारी संस्थाबाट अवैध तवरले गोर्खा मिडिया नेटवर्क प्रालिमा ८ करोड ५८ लाख ४४ हजार रुपैयाँ प्रवाह गरिएको मुद्दामा उनीहरूमाथि अनुसन्धान भइरहेको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जलवायु परिवर्तनको असरबारे बोल्दै प्रधानमन्त्री ओलीले भने- हामीले नबिराएको काममा सजाय भोग्नुपरेको छ

कांग्रेसको १०० दिने विशेष अभियान : काम सक्न बाँकी जिल्लालाई समय थप

विपक्षी खेलाडीलाई जानाजान धक्का दिएको भन्दै कोहलीलाई आइसीसीको कारबाही