काठमाडौं- राष्ट्रिय फुटबल टिमका युवा फरवार्ड विमल घर्तिमगर च्यासल युथ क्लबमा आबद्ध भएका छन्। भोलिदेखि सुरु हुने सहिद स्मारक ए डिभिजन लिगका लागि विमल र च्यासल युथ क्लबबीच बिहीबार सम्झौता भएको हो।
_x000D_
_x000D_
च्यासलले विमलसँग सम्झौता भएको पुष्टि गरेपनि कति रकममा सम्झौता भएको बारे खुलाउन चाहेको छैन। विमलले सिजनको सुरुवातमा राष्ट्रिय लिग च्याम्पियन थ्री स्टार क्लबबाट खेलेका थिए। तर थ्री स्टारले लिगका लागि २५ जना खेलाडीसँग सम्झौता गर्दा विमलसँग सम्झौता गरेको थिएन। थ्री स्टारसँग सम्झौता हुन नसकेपछि विमल च्यासलको सम्पर्कमा पुगेका थिए।
_x000D_
_x000D_
दुई वर्षअघि बी डिभिजन लिगबाट च्यासल ए डिभिजनमा उक्लिएको थियो। च्यासलले ए डिभिजनका लागि अहिले पनि खेलाडीसँग सम्झौता गर्ने क्रम जारी राखेको छ। च्यासलले विमल आवद्ध भएपछि राष्ट्रिय टिमका खेलाडीहरु हेमन्त थापामगर, देवेन्द्र तामाङ र गोलकिपर दिनेश थापासँग पनि कुरा अघि बढाएको छ।
_x000D_
_x000D_
_x000D_
_x000D_
लिगमा १४ टिमबीच प्रतिस्पर्धा हुँदैछ। उद्घाटन खेलमा शनिबार न्युरोड टिम (एनआरटी) र त्रिभुवन आर्मी क्लबबीच प्रतिस्पर्धा हुँदैछ। दोस्रो दिन सरस्वती युवा क्लब र संकटा क्लबबीच प्रतिस्पर्धा हुनेछ। दुवै खेल अपरान्ह ३ बजे हुनेछ। यी दुई खेलपछिको खेल तालिका अहिलेसम्म सार्वजनिक गरिएको छैन।
_x000D_
_x000D_
यसपटकको लिगमा नेपाल पुलिस क्लब, सशस्त्र प्रहरी बल (एपिएफ), त्रिभुवन आर्मी, मनाङ मर्स्याङ्दी, थ्री स्टार, जावलाखेल युथ, फ्रेन्ड्स, सङ्कटा, मछिन्द्र, सरस्वती युथ, च्यासल युथ, न्युरोड टिम (एनआरटी) ,ब्रिगेड ब्वाइज र हिमालयन शेर्पा क्लबले प्रतिस्पर्धा गर्नेछन्।
_x000D_
_x000D_
तस्बिर : एन्फा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
