राजदूतले स्वीकारे : पत्र नहेरी कार्यक्रममा जानु गल्ती भयो

प्रवास

नेपाल लाइभ बिहीबार, असोज ११, २०७५ १२:५३

दक्षिण कोरिया– दक्षिण कोरियाका लागि नेपाली राजदूत अर्जुनजंगबहादुर सिंहले पत्र नहेरी पत्रकार महासंघको कार्यक्रममा उपस्थित हुनु आफ्नो गल्ती भएको बताएका छन्। मंगलबार पत्रकार महासंघको कार्यक्रममा आफूलाई प्रमुख अतिथि नबनाइएको भन्दै पत्रकारलाई झपारेका राजदूत सिंहले आफूलाई पठाइएको पत्र नहेरी फोनको भरमा कार्यक्रममा उपस्थित हुँदा यस्तो हुन गएको बताए।

_x000D__x000D_

आफू बोलेको कुरा मिडियामा आइरहेको भन्दै उनले वरियताको विषय व्यक्तिगत विषय नभएकाले सरकारको नियम सबैले पालना गर्नैपर्ने बताए। उनले भने, ‘वरियता भन्ने विषय मेरो लागि मात्र लागू हुने विषय होइन, यसमा सबै जिम्मेवार हुनुपर्दछ, यसमा पत्रकार महासंघ दक्षिण कोरियाको पनि गल्ती हो।’

_x000D__x000D_

उनले थपे, ‘मैले पत्र हेरेको रहेनछु कार्यक्रममा उपस्थित हुन तारन्तार महासंघ कोरियाका अध्यक्षको फोन आइरहेको थियो। म व्यस्तताका बावजुद उपस्थित भएको हुँ, कार्यक्रममा आफूलाई अपमान गरिएको महसुस भएर त्यसरी बोल्न पुगेको हुँ।’

_x000D__x000D_

कार्यक्रममा ‘अब आइन्दा यस्तो गल्ती गरिए दूतावासलाई सैह्य हुँदैन’ भन्दै दिएको चेतावनीका विषयमा अबदेखि वरियता मिचिए दूतावासले के कारबाही गर्छ? भन्ने प्रश्नमा राजदूत सिंहले आफूले आवेशमा जे बोले पनि जिम्मेवार संघसंस्थाले यस्ता विषयलाई आफ्रैले ख्याल गर्नुपर्ने प्रतिक्रिया दिए। उनले भने, ‘कारबाही हामीले गर्ने होइन, वरियता तोक्ने सरकारले हो, हामी सरकारको नियममा रहने हो।’

_x000D__x000D_

पत्रकार महासंघले औपचारिक रुपमै सरकारलाई जानकारी गराएको सन्दर्भमा राजदूत सिंहले त्यो विषय महासंघकै भएकाले उपल्लो निकायमा जानकारी गराउने छुट महासंघलाई रहेको र त्यसमा आफू केही नबोल्ने प्रतिक्रिया दिए।
_x000D_

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चलचित्रसम्बन्धी अध्ययनका लागि छात्रवृत्ति

टेबलटेनिसमा पूर्णशङ्करलाई स्वर्ण पदक

बालयौन दुर्व्यवहारमा मदन राईलाई साढे २ वर्ष कैद, एक लाख जरिवाना