उपनिर्वाचनको प्रचारमा तोकिएभन्दा बढी सवारी प्रयोग गरे कब्जा हुने

राजनीति

नेपाल लाइभ आइतबार, मंसिर ९, २०८१ २१:१५

काठमाडौं– मंसिर १६ गते हुने स्थानीय तहको उपनिर्वाचनमा तोकिएभन्दा बढी सवारी साधन प्रयोग गर्न नपाइने भएको छ ।

निर्वाचन आयोगले सवारी साधनमा लाउड स्पीकर समेतको प्रयोग गरी निर्वाचन प्रचार प्रसारका कार्य भइरहेको भन्दै तोकिएको भन्दा बढी सवारी साधन प्रयोग गरेको पाइए सूचना आयोगले पाएको भन्दै त्यसरी तोकिएको भन्दा बढी सवारी साधन प्रयोग गर्ने दल तथा उम्मेदवारलाई २५ हजारसम्म जरिवाना गर्न स्थानीय प्रशासनलाई निर्देशन दिएको हो।

यस्ता सवारी साधन कब्जामा लिई आवश्यक कानूनी कारवाही गर्न स्थनीय प्रशासनलाई निर्देशन दिइ सकिएकोले आचारसंहिता विपरित हुने यस प्रकारको कार्य नगर्न आयोगले स्थानीय प्रशासनलाई निर्देशन दिएको आयोगकी सहसचिव एवम प्रवक्ता निता पोखरेलले जानकारी दिइन्।

उनका अनुसार निर्वाचन (कसूर तथा सजाय) ऐन, २०७३ को दफा २५ (१) मा निर्वाचन प्रचार प्रसारको सिलसिलामा राजनीतिक दल वा उम्मेदवार वा निर्वाचन प्रतिनिधि वा अन्य कुनै व्यक्तिले आयोगले तोकेको संख्या भन्दा बढी र आयोग वा निर्वाचन अधिकृतले अनुमति दिएको बाहेक अन्य सवारी साधन प्रयोग गर्न वा गराउन पाइदैन।

यस विपरितको कार्य गर्नेलाई आयोग, निर्वाचन अधिकृत वा अनुगमनकर्ताले २५ हजारसम्म सम्म जरिवाना गर्न सक्ने र जरिवाना गर्ने अधिकारीले त्यसरी प्रयोग भएको सवारी साधन निर्वाचन अवधिभरको लागि कब्जामा लिन सक्ने कानूनी व्यवस्था रहेको प्रवक्ता पोखरलले जानकारी दिइन्।

उनका अनुसार त्यसरी निर्वाचन कानून विपरितको कार्यमा प्रयोग हुने गरी सवारी साधन प्रयोग नगर्नु हुन वा प्रयोग गर्न नदिनु हुन सम्बन्धित सवारी धनी, चालक तथा सरोकारवाला सबैलाई निर्देशन दिइएको हो।

मंसिर १६ गतेका लागि तय भएको स्थानीय तहको उपनिर्वाचनको लागि निर्वाचन प्रचार प्रसारको अवधि सुरु भई राजनीतिक दल तथा उम्मेदवारबाट निर्वाचन प्रचार प्रसारको कार्य भइरहेको छ।

उपनिर्वाचन प्रचार प्रसार लगायतका कार्यमा निर्वाचन आचारसंहिताको पालना गर्न तथा गराउन राजनीतिक दल, उम्मेदवार र सम्बन्धित निकायलाई आयोगले निरन्तर निर्देशन दिदैँ आएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दुर्गा प्रसाईँ वीर अस्पतालमा भर्ना

सुनको भन्सार दर २० बाट १० प्रतिशतमा झारियो

यूपीको शाही जामा मस्जिदमा सर्भे टिममाथि मुस्लिम समुदायद्वारा आक्रमण, भीड अनियन्त्रित भएपछि प्रहरीले बल प्रयोग गर्दा तीन जनाको मृत्यु