धनकुटा र उदयपुरमा प्रहरीद्वारा ६४ हजार गाँजाका बोट फडानी

समाज

नेपाल लाइभ शनिबार, मंसिर ८, २०८१ २१:४०

काठमाडौं– कोशी प्रदेश प्रहरी कार्यालय विराटनगरले धनकुटा र उदयपुर जिल्लामा व्यापक रूपमा गाँजाका बोट फडानी गरी नष्ट गरेको छ।

सुरक्षा सुनिश्चितता अभियान अन्तर्गत सञ्चालित यस कारबाहीमा अवैध रूपमा लगाइएका र प्राकृतिक रूपमा उम्रिएका गाँजाका बोटहरू नष्ट गरिएको हो।

धनकुटामा इलाका प्रहरी कार्यालय छिन्ताङ, भेडेटार, पाख्रीवास, प्रहरी चौकी त्रिवेणी र आँखीसल्लाबाट खटिएको प्रहरी टोलीले शहिदभूमि र साँगुरीगढी गाउँपालिका तथा पाख्रीवास नगरपालिकाका विभिन्न क्षेत्रमा अभियान सञ्चालन गरेको थियो। यस क्रममा ६६ रोपनी क्षेत्रफलमा फैलिएका ५६ हजार ५० गाँजाका बोट फेला पारी नष्ट गरिएको प्रहरीले जनाएको छ।

त्यसैगरी, उदयपुर जिल्ला प्रहरी कार्यालयबाट खटिएको टोलीले उदयपुरगढी गाउँपालिका-१ का विभिन्न पाखा तथा बारीमा लगाइएका ७ हजार ८ सय ९५ गाँजाका बोट फडानी गरी जलाएर नष्ट गरेको छ।

यस अभियानले लागूऔषध नियन्त्रणमा महत्त्वपूर्ण योगदान पुग्ने र अवैध गाँजा खेतीलाई निरुत्साहित गर्ने प्रहरीको विश्वास रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बेरुतमा भएको इजरायली हमलामा ११ जनाको मृत्यु

धनकुटा र उदयपुरमा प्रहरीद्वारा ६४ हजार गाँजाका बोट फडानी

प्यालेस्टाइनमाथिको आक्रमण रोक्न माग गर्दै काठमाडौंमा प्रदर्शन