कैलाली जिसस प्रमुखमा काँग्रेसकी टिका निर्विरोध निर्वाचित

राजनीति

नेपाल लाइभ बुधबार, मंसिर ५, २०८१ १३:०६

धनगढी– कैलाली जिल्ला समन्वय समितिको प्रमुखमा नेपाली काँग्रेसकी टिकाकुमारी चौधरी भुल निर्विरोध निर्वाचित भएकी छिन्।

प्रमुखमा उम्मेदवारी दर्ता गराएकी नागरिक उन्मुक्ति पार्टीकी रुपमति डंगोरा थारुले उम्मेदवारी फिर्ता लिएपछि टिकाकुमारी निर्विरोध निर्वाचित भएकी हुन्।

आइतबार नेपाली काँग्रेसबाट कैलारी गाउँपालिकाकी वडा सदस्य टिकाकुमारी र नागरिक उन्मुक्ति पार्टीबाट टीकापुर नगरपालिकाकी वडा सदस्य रुपमतिले उम्मेदवारी दर्ता गराएकी थिइन्।

बुधबार नागरिक उन्मुक्ति पार्टीका नेता लक्ष्मण किशोर चौधरी, टिकापुर नगर प्रमुख रामलाल डङ्गौरा थारु, नेपाली काँग्रेस कैलाली सभापति नारायणदत्त भट्ट लगायतका नेताहरुको उपस्थितिमा रुपमतिले प्रमुख पदमा दिएको उम्मेदवारी फिर्ता लिएको नेपाली काँग्रेसका जिल्ला सचिव केशब मिश्रले जानकारी दिए।

उनले भने –‘रुपमतिको उम्मेदवारी फिर्तासंगै टिकाकुमारी जिसस प्रमुखमा निर्विरोध निर्वाचित भएकी छिन्।’

काँग्रेसले दलित र आदिवासीको प्रतिनिधित्व हुने गरि जिसस प्रमुखमा टिकाकुमारीलाई अघि बढाएको उनको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पुथा उत्तरगंगा–२ मा माओवादी केन्द्रका उम्मेदवार निर्विरोध निर्वाचित

एनपीएल : सुदूरपश्चिम रोयल्सलाई नेपाल टेलिकमद्वारा प्रायोजन

दुर्गा प्रसाईंलाई पाँच दिन थुनामै राख्‍ने अनुमति