हामीसँग ३२ सीटको म्याजिक संख्या छ, यो सरकार उल्ट्याएर बन्ने हाम्रै हो: प्रचण्ड

राजनीति

नेपाल लाइभ शनिबार, मंसिर १, २०८१ १६:१९

फाइल तस्बिर

काठमाडौं– नेकपा माओवादी केन्द्रका अध्यक्ष पुष्पकमल दाहाल प्रचण्डले आफ्नो पार्टीसँग ३२ सीटको अझै म्याजिक नम्बर नै रहेको दाबी गरेका छन्।

माओवादी काभ्रे काठमाडौं सम्पर्क समितिको भेलालाई सम्बोधन गर्दै उनले म्याजिक सीटकै कारणले अहिले नै चिन्तित हुनुपर्ने कारण नरहेको बताए।

उनले भने, ‘हामीले भ्रष्टाचारविरुद्धको अभियान भनेर सुरु गर्‍यौं, हामीसँग संख्या थिएन । यही हलमा हो, तामाङ राष्ट्रिय मुक्ति मोर्चाको सम्मेलन थियो । मैले ३२ को हाम्रो संख्यालाई जादूको संख्या भनेको थिएँ, मेरो यही भनाइले उनीहरु अझै बढी उद्वेलित र तरंगित पनि भए होलान् । मैले त्यो नभनेको भए पनि हुन्थ्यो होला, तर पनि अहिले पनि हाम्रो संख्या म्याजिक नै छ भन्छु । किनभने ३२ भएकाले प्रमुख विपक्षी दलको नेता छ हाम्रो पार्टी, विपक्षी दल भनेको गभमेन्ट इन वेटिङ भन्छ पर्खिरहेको सरकार, यो सरकारलाई उल्ट्याएर बन्ने सरकार हाम्रै हो फेरि, त्यसकारण हामी चिन्तित हुनुपर्ने कारण छैन ।’

प्रचण्डले पार्टीको केन्द्रीय समिति बैठक बसेर नयाँ कार्यक्रमसहित जनतामा जाने तयारी गरिरहेको र त्यहीअनुसार लाग्न नेता कार्यकर्तालाई निर्देशन पनि दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

उपनिर्वाचन: आइतबारदेखि निर्वाचन आचारसंहिता लागू हुने

उपनिर्वाचन : यी हुन् एमालेका ४२ उम्मेदवार [सूचीसहित]

सामान्य हिसावको कामले राजस्वको लक्ष्यमा पुगिँदैन : अर्थमन्त्री पौडेल