दार्चुलामा दुर्घटनाः ७ जनाको मृत्यु, ६ जनाको अवस्था गम्भीर

समाज

नेपाल लाइभ शुक्रबार, कात्तिक ३०, २०८१ ०८:०१

खलङ्गा (दार्चुला)- दार्चुलामा जीप दुर्घटना हुँदा ७ जनाको घटनास्थलमा नै मृत्यु भएको छ। घटनामा भने ६ जना गम्भीर घाइते भएका छन्।

मालिकार्जुन जात्राबाट गोकुलेश्वरतर्फ गइरहेको म१ज ३३८ नम्बरको जीप आज बिहान ४ बजे शैल्यशिखर नगरपालिका-५ मा पर्ने सिराडको खोलामा दुर्घटना भएको हो।

दार्चुलाका प्रहरी नायब उपरीक्षक प्रकाश दाहालका अनुसार दार्चुलाको शैल्यशिखर नगरपालिका–५ लेकगाउँका ३० वर्षीय वीरेन्द्र रावल, सोही ठाउँका २८ वर्षीय शान्ति रावल, शैल्यशिखर–९ नकतडका ४५ वर्षीय दिलीप विष्ट, बैतडीको डिलाशैनी–५ का १५ वर्षीय सञ्जीव बोहरा र भारतको उत्तर प्रदेश विजनौर जिल्लाका ४५ वर्षीय मोहमद सफिर र सोही जिल्लाका १८ वर्षीय मोहमद बसिमको मृत्यु भएको हो । एकजनाको परिचय खुलेको छैन ।

दुर्घटनाको कारण र जीपमा कतिजना सवार थिए खुल्न सकेको छैन । घटनाबारे थप विवरण आउन बाँकी रहेको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बालेन लेख्छन्- काठमाडौंको फोहोर व्यवस्थापनमा संघीय सरकारले असहयोग गर्‍यो

दार्चुला दुर्घटना अपडेट: मृत्यु हुनेको संख्या ८ पुग्यो

रवि लामिछानेलाई पोखरा पठाइँदै