निषेधित क्षेत्र तोड्न खोज्दा रास्वपाका ८ जना कार्यकर्ता पक्राउ

राजनीति

नेपाल लाइभ मंगलबार, कात्तिक २०, २०८१ १४:१७

पोखरा- राष्ट्रिय स्वतन्त्र पार्टी (रास्वपा) का ८ जना कार्यकर्ता पोखराबाट पक्राउ परेका छन्। सभापति रवि लामिछाने पक्राउको विरोधमा प्रदर्शनमा उत्रिएका रास्वपा कार्यकर्तालाई प्रहरीले मंगलबार पक्राउ गरेको हो।

प्रदर्शनका क्रममा निषेधित क्षेत्रमा रहेका प्रहरीमाथि आक्रमण गर्न थालेपछि रास्वपा कार्यक्रतालाई पक्राउ गरिएको प्रहरीले जनाएको छ।

यसअघि प्रहरीले प्रदर्शनकारीमाथि चार सेल अश्रुग्यास प्रहार गरेको थियो।

सहकारी ठगी र संगठित अपराध कसुरमा गत कात्तिक २ गते प्रहरीले रास्वपा सभापति रवि लामिछानेलाई पक्राउ गरेर पोखरा ल्याएको थियो।

लामिछानेलाई मंगलबार जिल्ला अदालतमा उपस्थित गराइएको छ। उनीमाथिको आजको बहस सकिएको छ।

लामिछानेमाथि सहकारी ठगी, संगठित अपराध र सम्पत्ति शुद्धीकरण कसुरमा अनुसन्धान भइरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

हेमन्तको कप्तानीमा यु–१९ एसिया कप खेल्ने टोली घोषणा

राष्ट्रिय गौरवका आयोजनाहरुको ब्रिफिङ लिँदै प्रधानमन्त्री ओली

आजदेखि धरहरा खुल्दै, कसलाई कति शुल्क?