काठमाडौं– संघीय संसद् (प्रतिनिधिसभा र राष्ट्रियसभा) को वर्षे अधिवेशन आज राति १२ बजेबाट अन्त्य हुँदैछ।
_x000D_
_x000D_
चिकित्सा शिक्षा लगायत ८ वटा विधेयक संसद सचिवालयबाट पास हुन बाँकी छ। डा गोविन्द केसीसँगको सहमतिपछि तयार भएको विधेयक संसदमा पेस नगरी शिक्षा तथा स्वास्थ्य समितिले छलफलमै सीमित गरेपछि उक्त विधेयक यो अधिवेशनमा पारित नहुने देखिएको छ।
_x000D_
_x000D_
आज अधिवेशन अन्त्य हुने भएकाले आज पेस हुने सम्भावना भए पनि पारित हुन भने सम्भव देखिन्न। समितिको प्रतिवेदनमाथि छलफल हुनुपर्ने अनि मात्र प्रतिनिधिसभाबाट पारित हुँदै माथिल्लो सदन राष्ट्रियसभामा पेस गर्नुपर्ने हुन्छ।
_x000D_
_x000D_
संसदमा मुलुकी संहिताको संशोधन विधेयकसमेत विचाराधीन रहेको छ। केही नेपाल ऐन विधेयकमार्फत दर्ता भएको मुलुकी संहिता संशोधन हाल प्रतिनिधिसभामा रहेको छ। उक्त विधेयक आजको बैठकले पारित नगरेमा अर्को अधिवेशनमा जानेछ।
_x000D_
_x000D_
सरकारको सिफारिसमा राष्ट्रपतिबाट संसद् अन्त्य र आह्वान गर्ने व्यवस्था छ। यही संवैधानिक व्यवस्थाअनुसार राष्ट्रपति कार्यालयले संसद् सचिवालयलाई अधिवेशन अन्त्यको पत्रमार्फत जानकारी गराएको छ।
_x000D_
संसद् सचिवालयमा राष्ट्रपति कार्यालयबाट अधिवेशन अन्त्यको पत्र प्राप्त भएको संसद सचिवालयका प्रवक्ता रोजनाथ पाण्डेले जानकारी दिए। तर, अर्को अधिवेशन कहिले बस्नेबारे सरकारले निर्णय गर्ने भएकाले कुनै निश्चित नरहेको उनले बताए।
_x000D_
_x000D_
बिहीबारको बैठकमा सभामुख कृष्णबहादुर महराले अधिवेशनका क्रममा भएका गतिविधिबारे जानकारी गराएर अधिवेशन अन्त्यको घोषणा गर्ने कार्यतालिका छ।
_x000D_
_x000D_
गत बैसाख २३ बाट सुरु भएको वर्षे अधिवेशनमा प्रतिनिधिसभाको बैठक आजसहित ७९ औं पटक र राष्ट्रियसभाको ६१ औं पटक बसेर अन्त्य हुन लागेको संसद् सचिवालयले जनाएको छ।
_x000D_
_x000D_
संवैधानिक व्यवस्थाअनुसार अधिवेशनको समाप्ति र अर्को अधिवेशनको प्रारम्भबीचको अवधि ६ महिनाभन्दा बढी हुनु हुँदैन। तर एक चौथाइ सदस्यले बैठक आह्वानका लागि लिखित आग्रह गरेमा बोलाउनुपर्ने प्रावधान छ।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762935254.png)
