माओवादीलाई बाबुरामले दिए ‘प्रचण्ड’को संज्ञा, भने– अब ‘प्रचण्डपन्थी’ भनौं

राजनीति

नेपाल लाइभ बुधबार, कात्तिक १४, २०८१ १२:४१

काठमाडौं– नेपाल समाजवादीका अध्यक्ष डा. बाबुराम भट्टाइले माओवादी केन्द्रलाई प्रचण्ड गुटको संज्ञा दिएका छन्। उनले अब प्रचण्डले नेतृत्व गरेको गुटलाई ‘माओवादी’ भन्नुभन्दा ‘प्रचण्डपन्थी’ भन्न उपयुक्त हुने टिप्पणी गरेका छन्।

माओवादी आन्दोलन केही स्वाभाविक कमीकमजोरीसहित आधुनिक नेपाल राज्य बने यताकै सबैभन्दा क्रान्तिकारी र रूपान्तरणकारी आन्दोलन थियो, जसले २०७२ असोज ३ गते जननिर्वाचित संविधानसभाबाट संघीय लोकतान्त्रिक गणतन्त्रको संविधान जारी भएसंगै आफ्नो ऐतिहासिक कार्यभार र औचित्य पूरा गरिसकेको उल्लेख गरेका छन्।

उनले भनेका छन्, ‘त्यसपछि त्यो आन्दोलन (जुन ’पार्टी’ मात्र थिएन !) लाई हाम्रो प्रस्ताव अनुसार नयाँ युगको नयाँ कार्यभार (जुन तीव्र आर्थिक-सामाजिक रूपान्तरण हुनुपर्दथ्यो, अझै हुनुपर्छ) पूरा गर्न वेलैमा नयाँ समाजवादी आन्दोलन र पार्टीमा रूपान्तरण गर्नुपर्दथ्यो। परन्तु वैचारिक र सांस्कृतिक रूपले स्खलित भैसकेका प्रचण्डले क्रान्तिकारी सारतत्व र इतिहास बोकेको त्यो आन्दोलन र पार्टीलाई आफ्नो निजी संसदीय सत्ता–स्वार्थको साधनमा परिणत गरेपछि यो दुर्दशा भएको हो।’

उनले प्रचण्डको पार्टीको संसदीय सीट संख्या ३२ नभइ ३० मात्रै भएको दाबी गरेका छन्।

उनले थपेका छन्, ‘२०७९ को निर्वाचनमा नेसपाका उम्मेदवारले साझा चुनावचिन्ह लिएर जितेको २ सिटलाई समेत कानूनी छिद्रमा टेकेर प्रचण्डले आफ्नो दाबी गरेका मात्र हुन्। साथै गोरखा र सर्लाहीका २/२ निर्वाचन क्षेत्रमा प्रचण्डको पार्टीको नाउँमा देखिएको बढी मत नेसपाको उल्लेख्य मत जोडेर मात्र देखिएको हो। त्यो घटाउँदा कति हुन्छ आफैं बुझौं!’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्टार स्पोर्ट्सलाई एनपीएल प्रत्यक्ष प्रसारण दिने निर्णयमा क्यानलाई विज्ञापन बोर्डले सोध्यो स्पष्टीकरण

एकीकृत समाजवादीले नेताहरूको जिम्मेवारीको टुङ्ग्यायो

म्याद थपका लागि रविलाई अदालत उपस्थित गराइयो