देशमा असामाजिक क्रियाकलापहरु फस्टाउन दिँदैनौं : प्रधानमन्त्री ओली

राजनीति

नेपाल लाइभ मंगलबार, कात्तिक १३, २०८१ १७:०४

काठमाडौं– प्रधानमन्त्री केपी शर्मा ओलीले देशमा असामाजिक क्रियाकलापहरु फस्टाउन नदिइने बताएका छन् ।

मंगलबार सशस्त्र प्रहरी बल नेपालको निरीक्षक आधारभूत तालिमको दीक्षान्त समारोहलाई सम्बोधन गर्दै प्रधानमन्त्री ओलीले विभिन्न शक्तिहरु नेपाली मनलाई विभाजित गर्न खोजेका बताएका हुन्।

उनले साम्प्रदायिक विद्वेष र अराजक क्रियाकलापहरुमार्फत नेपाली मनलाई विभाजित गर्न कोशिस भएको भन्दै त्यसलाई सफल हुन नदिने बताए ।

‘विभिन्न नाममा नेपाली मनहरुलाई विभाजित गर्ने, साम्प्रदायिक विद्वेष अथवा अरु प्रकारका क्रियाकलापहरु अराजकता, संविधान विपरीतका क्रियाकलापहरु र कानुन विपरीतका क्रियाकलापहरु, असामाजिक क्रियाकलापहरु, अराजकता मच्चाउने खालका क्रियाकलाप र प्रयासहरु भइरहेका छन् । हामीले कुनै पनि हालतमा यस्ता असामाजिक क्रियाकलापहरुलाई मौलाउन, फस्टाउन पनि दिँदैनौं’, उनले भने ।

प्रधानमन्त्री ओलीले सशस्त्र प्रहरी बल नेपालको कानुन सुधारका लागि सरकार दत्तचित्त भएर लागेको पनि बताए। सो कानुन संसदको आगामी अधिवेशनमा पारित गर्ने तयारी रहेको उनको भनाइ छ।

हामी कानुनी क्षेत्रमा, कानुनमा के–के सुधार गर्नुपर्छ र कसरी सुविधा दिनुपर्छ भन्ने कुरामा अझ दत्तचित्त भएर लागेका छौं। आगामी संसदको अधिवेशनबाट हामी यी कुराहरु अगाडि बढाउँछौं’, प्रधानमन्त्री ओलीले भने।

नयाँ कानुनमार्फत सशस्त्र प्रहरी बलको ३० वर्षे सेवा अवधि हटाउने पनि उनले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

तोलामै एक लाख ६७ हजार नाघ्यो सुनको मूल्य

बालेनको पत्र प्राप्त भएको छैन, जरिवाना तिर्ने कुरा पनि हुँदैन: एमाले

हेमन्तको कप्तानीमा यु–१९ एसिया कप खेल्ने टोली घोषणा