प्रचण्डसहित विपक्षी दलका नेताहरुले भेटे राष्ट्रपति पौडेल

राजनीति

नेपाल लाइभ बुधबार, कात्तिक ७, २०८१ १७:३४

काठमाडौं– राष्ट्रपति रामचन्द्र पौडेलसँग प्रतिनिधिसभा विपक्षी दलका नेताहरुले राष्ट्रपति निवास शीतल निवासमा भेटवार्ता गरेका छन्।

राष्ट्रपति पौडेलसँगको भेटमा प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल प्रचण्ड र शक्ति बस्नेत, राष्ट्रिय स्वतन्त्र पार्टीका सांसदद्वय शिशिर खनाल र सुमना श्रेष्ठ, राष्ट्रिय प्रजातन्त्र पार्टीका नेता बुद्धिमान तामाङ र हेमजङ्ग गुरुङ, नेकपा एकीकृत समाजवादीका अध्यक्ष माधवकुमार नेपाल र वरिष्ठ उपाध्यक्ष राजेन्द्र प्रसाद पाण्डे तथा आम जनता पार्टीबाट नेता तिलक थापामगर सहभागी छन्।

नेकपा एमाले अध्यक्ष केपी शर्मा ओली नेतृत्वको सरकारले १०० दिन पूरा गरेकै दिन संसदका विपक्षी दलका नेताहरुले राष्ट्रपति पौडेल भेट्नुलाई अर्थपूर्ण मानिएको छ। सरकारले दल विभाजनसम्बन्धी अध्यादेश ल्याउने चर्चासमेत भइरहेको बेला राष्ट्रपति पौडेलसँग विपक्षी दलहरुले भेटेका हुन्।

विपक्षी दलहरुले मंगलबारमात्रै सरकारलाई विविध विषयमा ध्यानाकर्षण गराउँदै ज्ञापनपत्र बुझाएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यूपीको शाही जामा मस्जिदमा सर्भे टिममाथि मुस्लिम समुदायद्वारा आक्रमण, भीड अनियन्त्रित भएपछि प्रहरीले बल प्रयोग गर्दा तीन जनाको मृत्यु

उपनिर्वाचनको प्रचारमा तोकिएभन्दा बढी सवारी प्रयोग गरे कब्जा हुने

पाकिस्तानमा तीन दिनमा ८२ जनाको मृत्यु