काठमाडौं- गृहमन्त्री रामबहादुर थापा ‘बादल’ले सुनसरीमा अज्ञात समूहले हत्या गरेका खुर्सिद आलमका हत्यारालाई कानूनको कठघरामा ल्याइछाड्ने बताएका छन्। गत असाेज ४ गते उनकाे हत्या भएको थियो।
_x000D_
_x000D_
मृतक अालमका परिवार सदस्य र सो क्षेत्रका जनप्रतिनिधि सँगको भेटमा गृहमन्त्री थापाले घटनालगत्तै छानबिन समिति गठन गरी समितिले काम अघि बढाएको र केही दिनमै हत्याराको पहिचान हुने बताए।
_x000D_
_x000D_
उनले मृतक अन्सारीका परिवारका प्रति समवेदना प्रकट गर्दै घटनालगत्तै अन्सरीलाई सहिद घोषणा गरिसकेको र उनको परिवारलाई दिने भनिएको राहत रकम केही दिनमै परिवारका सदस्यले पाउने जानकारी दिए।
_x000D_
_x000D_
'यो घटनालाई मैले गम्भीर रुपमा लिएको छु, अपराधी जो सुकै भएपनि कारबाहीको दायरामा ल्याइछाड्छौं' उनले भने। नेपालमा रहेका मुस्लिम समुदायको सुरक्षालाई सरकारले विशेष प्राथमिकतामा राखेको प्रस्ट पारे।
_x000D_
_x000D_
भेटमा सहभागी मृतक खुर्सिदका भाइ जावेद आलम र काका जमिल आलमले घटना भएको एक हप्ता बित्दासमेत हत्यारा पक्राउ नगरिएको भन्दै गृहमन्त्रीको ध्यानाकर्षण गराए।
_x000D_
_x000D_
घटनापछि खुर्शिदलाई लाञ्छना लगाएर सञ्चारमाध्यममा आएको समाचारले आफूहरुलाई झनै पीडा थपिएको बताए। मृतक खुर्सिदलाई नियोजित रुपमा आरोप लगाइएको भन्दै आरोप लगाउनेमाथि समेत छानबिन गर्नुपर्ने गृहमन्त्रीसँग माग राखेका थिए। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762935254.png)
