पोखरा– ‘आफ्नै हातले खुवाएँ, आफ्नै काखमा राखेर हुर्काएँ। आज यही दिन देख्नलाई हो?’ श्रीया विककी सानीआमा गंगा विक जिल्ला प्रहरी कार्यालय कास्कीको कक्षमा चिच्याउँदै थिइन्। उनको बोलीमा डर थिएन, आक्रोश थियो। आक्रोशभन्दा ठूलो विद्रोह थियो। उनी घाँटी सुकुन्जेल चिच्याउँदै थिइन्।
_x000D_
_x000D_
‘त्यो सबैको छोरी थिई। जन्ममात्रै मेरी दिदीले दिएकी हुन्। माइती घरमा बसेर त्यसलाई हुर्काउने, पालनपोषण गर्ने यही हातले गरेकी हुँ,’ आँखाभरि आँसु ल्याएर बबर्राइरहेकी थिइन्, गंगा। आफूले पालेको छोरीको हत्यारालाई प्रहरीले सुरक्षा दिइरहेको उनको आरोप थियो।
_x000D_
_x000D_
नयाँ शासन व्यवस्था आइसकेपछि बलात्कार/हत्या घट्नुको साटो झनै दोब्बरतेब्बर बढिरहेको गंगा दाबी गर्छिन्। ‘नारी र महिलामात्रै होइनन्, अब त बालिकाहरु पनि सुरक्षित भएनन्,’ उनले भनिन्, ‘जबसम्म यो देशमा बलात्कारीलाई फाँसीको कानुन आउँदैन। यस्तो घटना दोहोरिरहन्छ।’
_x000D_
_x000D_
_x000D_
_x000D_
आफ्नो छोरीलाई जसरी तड्पाएरर मारेको हो त्यसरी नै फाँसीमा तड्पाएर मार्नुपर्ने विकको आक्रोशले बोलिरहेको थियो। ‘मर्ने हारेर मरिहाल्यो, बाँच्नेले जित्यो। अपराधी बाँचेर झनै दाउ खुल्यो। भोलि फेरि यो घट्ना नदोहोरिएला भन्न सकिन्न,’ उनी प्रश्न गर्छिन्, ‘कानुनले दुईचार पैसा जरिवाना गर्ला केही समय जेलमा थुन्ला। के यसरी हाम्री छोरी फिर्ता आउँछे त?’
_x000D_
_x000D_
दुईचार पैसा पीडित पक्षलाई दिएपछि घटना गुमसुम हुने भन्दै गंगाले यो सबै कमजोर कानुनका कारण भएको बताइन्। जनप्रतिनिधिलाई घटनाको कुरा राख्दा पनि ‘प्रुफ’ चाहिन्छ भन्दै बेवास्ता गरेको गुनासो उनले सुनाइन्। उनका अनुसार पोस्टमार्टम रिपोर्ट लगेर देखाउँदा पनि जनप्रतिनिधिले बेवास्ता गरेका थिए। ‘हिजो (मंगलबार) रिपोर्ट आउँदा हामी सँगै गएका हौं, छोरीको छियाछिया शरीर थियो। त्योभन्दा अर्को ठूलो प्रमाण के हुन सक्छ?’
_x000D_
_x000D_
_x000D_
_x000D_
श्रीयाको अनुहार, टाउको र योनांगमा चोट लागेको रिपोर्टमा उल्लेख छ।
_x000D_
_x000D_
000
_x000D_
_x000D_
सोमबार साँझ घरबाट बिस्कुट किन्न निस्किएकी श्रीया मंगलबार बिहान घर नजिकैको खोल्सामा मृतावस्थामा फेला परेकी थिइन्। पोखरा–२२ बस्ने २९ वर्षीय कुसुम पौडेलले बलात्कारपछि हत्या गरेको स्विकारेका छन्। उनलाई आज प्रहरीले सार्वजनिक गरिसकेको छ।
_x000D_
_x000D_
‘सोमबार कोदीकै एउटा भट्टीमा कुसुमले साथीहरुसँग मिलेर रक्सी खाएछन्। बेलुकीतिर कुसुम रक्सी लिन पसल जाँदै गर्दा श्रीयालाई एक्लै देखेर नशाको सूरमा बलात्कार गरेको स्विकारेका छन्,’ एसपी ओम रानाले भने, 'कानुन अनुसार पौडेललाई हदैसम्मको कारबाही प्रक्रिया अघि बढाउनेछौं।’
_x000D_
_x000D_
श्रीयाको मामाघरभन्दा अन्दाजी ७० मिटर तल सानो मन्दिर भएको ठाउँमा लगेर ‘चकलेट खाऊ’ भनी पौडेलले ५ रुपैयाँ दिएका थिए। त्यसको १० मिटर तल थप १० रुपैयाँ दिएर प्रलोभनमा पारी बलात्कार गर्न खोज्दा श्रीया भाग्न खोजेकी थिइन्। नमानेपछि ट्यांकीमुनि धकेलिदिएको पौडेलले बयानमा बताएका छन्।
_x000D_
_x000D_
_x000D_
_x000D_
लडेर झाडीमा पुगेपछि पौडेलले सबै कपडा खोलेर जबर्जस्ती गर्न खोज्दा चिच्याएको, त्यसपछि दायाँ हातले घाँटी थिचेको र बायाँ हातले योनांगमा औंला घुसाएको पौडेलले दिएको बयानमा उल्लेख छ।
_x000D_
_x000D_
000
_x000D_
_x000D_
करिब २ वर्षपहिले बाबुले अर्की आमा समाएर हिँडेपछि मामाघर फर्किएकी थिइन्, श्रीया। १० वर्षीया उनी कोदीमै रहेको लीला आधारभूत माध्यमिक विद्यालयमा कक्षा ३ मा पढ्थिन्।
_x000D_
_x000D_
उनलाई मामा कृष्ण सुनार र सानीआमा गंगाले स्याहारसुसार गर्दै आएका थिए। श्रीयाको आमाको ज्यान ठिक छैन। सधैं बिरामी भइरहन्छिन्। यसपालि पनि छोरी श्रीयाको मृत्युको खबरले थला परेकी उनी अझै राम्रोसँग होसमा आउन सकेकी छैनन्।
_x000D_
_x000D_
यो पनि: चकलेटको लोभ देखाएर बलात्कारपछि श्रीयाको हत्या, घटनामा संलग्न एक जना सार्वजनिक
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
