काठमाडौं- प्रहरी महानिरीक्षक सर्वेन्द्र खनालले विगतमा प्रहरीले महिला हिंसा रोक्ने काम गरेको छ भनेर अहिले चुप लाग्न नहुने बताएका छन्।
_x000D_
_x000D_
बुधबार सिंहदरबारमा बसेको राज्य व्यवस्था तथा सुशासन समितिको बैठकमा बोल्दै उनले केही महिनायता महिला हिंसाका घटना १० प्रतिशतले बढेको बताए।
_x000D_
_x000D_
बलात्कारका घटना ३८ प्रतिशत परिचितबाट, १४ प्रतिशत आफन्तबाट, ३३ प्रतिशत छिमेकी र ४ प्रतिशत शिक्षकबाट हुने गरेको उनले बताए। परिवारकै सदस्य पनि बलात्कारका घटनामा संलग्न हुने गरेको उनको भनाइ छ।
_x000D_
_x000D_
गैरव्यासायिक सुरक्षा अधिकारिका कारण निर्मला प्रकरणको अनुसन्धानमा लामो समय लागेको पनि उनले बताए। 'केही समस्या देखिएका छन्। शंकाकै भरमा अनुसन्धान गर्नुपरेको छ,' उनले भने, 'विगतमा पनि यस्ता घटना रहस्यमा छन्।'
_x000D_
_x000D_
मंगलबार पोखरामा भएको अर्को बलात्कार घटनामा एक जना पक्राउ परेको उनले जानकारी दिए। खुल्ला सीमाका कारण अपराधी भारततिर भाग्ने र अनुसन्धान गर्न अनुमति लिनुपर्ने कारण जटिलता देखिएको महानिरीक्षक खनालले बाए।
_x000D_
_x000D_
बलात्कारका घटना र महिला हिंसा न्यूनीकरणका लागि महिला सेलहरूसमेत सक्रिय भइरहेको उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762935254.png)
