चियापान र शुभकामना कार्यक्रम छाडेर राहत र उद्धारमा जुट्न कार्यकर्तालाई एमालेको निर्देशन

राजनीति

नेपाल लाइभ आइतबार, असोज १३, २०८१ १६:१७

काठमाडौं– नेकपा एमालेले बाढी, पहिरो प्रभावित क्षेत्र तथा जिल्लामा आगामी तीन दिनसम्म पूर्व निर्धारित शुभकामना र चियापानजस्ता कार्यक्रम नगर्न निर्देशन दिएको छ।

आइतबार बिहान पार्टी केन्द्रीय कार्यालय र केन्द्रीय विपद् व्यवस्थापन तथा स्वयंसेवा विभागको संयुक्त बैठकले यस्तो निर्देशन दिएको एमाले विपद् व्यवस्थापन विभागका प्रमुख खिमलाल भट्टराईले जानकारी दिए।

उपाध्यक्ष अष्टलक्ष्मी शाक्य र महासचिव शंकर पोखरेल समेत सहभागी बैठकले असोज १४ देखि १६ गतेसम्मलाई शुभकामना र चियापान जस्ता कार्यक्रम नगर्न निर्देशन दिएको भट्टराईको भनाइ छ। त्यस्तै बाढी, पहिरो प्रभावित जिल्लाका नेता कार्यकर्ताहरूलाई सो अवधिमा विपदमा परेका नागरिकको राहत र उद्धारमा सक्रिय हुन निर्देशन दिएको छ।

बैठकले वर्षाबाट उत्पन्न विषम परिस्थितिमा जनतामाथि परेको पीडामा सहयोगी बन्ने सरकार, राजनीतिक दल, विभिन्न संघसंस्थालाई धन्यवाद दिँदै बाढीबाट प्रभावित भएको केन्द्रीय कार्यालयको सरसफाइ पनि पार्टी कार्यकर्ताको सहयोगमा गर्ने निर्णय गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यू-१९ एसिया कप क्रिकेट खेल्न जाने नेपाली टोलीको बिदाइ

चुडामणिको मुद्दामा विपक्षी झिकाउन सर्वोच्चको आदेश

बिआरआईअन्तर्गत ऋण होइन, अनुदान लिने पक्षमा सरकार छः सञ्चारमन्त्री