९० प्रतिशत समय त पार्टी भित्रको लडाइँमै बित्छ : गगन थापा

राजनीति

नेपाल लाइभ सोमबार, असोज ७, २०८१ १६:४५

सुर्खेत- नेपाली कांग्रेसका महामन्त्री गगन थापाले कांग्रेसका नेता/कार्यकर्ताहरूको ९० प्रतिशत समय पार्टी भित्रको आन्तरिक लडाइँमा नै बित्ने गरेको बताएका छन्। सोमबार वीरेन्द्रनगरमा आयोजित कांग्रेसको आपूर्ति तथा उपभोक्ता विभागको कार्यक्रममा उनले यस्तो बताएका हुन्।

कांग्रेस महामन्त्री थापाले भने, ‘हाम्रो ९० प्रतिशत समय पार्टी भित्रको लडाइँमा गएको छ, एउटा अर्कासँग जुधेको छ, अर्को अर्कासँग जुधेको छ।’ यसरी समय खेर फाल्नु नहुने तर्क उनको छ। ८ लाख सदस्य भएको पार्टीको राजनीतिक सामाजिक सङ्गठन नै नभएको बताउँदै थापाले अब यसलाई सुधार गरेर लैजानुपर्ने बताए।

सङ्घीयताको विषयमा उनले कागजमा सङ्घीयता लेखिए पनि व्यवहारमा अझै लागू हुन नसकेको बताए। ‘हामी ठिक तरिकाले हिँड्न सकेका छैनौँ, केन्द्रले पनि स-साना बाटो बनाइरहेको छ। त्यही बाटो प्रदेशले पनि बनाइरहेको छ,’ उनले भने, ‘यो अवस्था सुधार गरेर लैजानुपर्छ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डेडिकेटेड फिडर तथा ट्रंक लाइनसम्बन्धी लाल आयोगले दियो सात पन्ने सुझाव

विनयले ल्याए नयाँ गीत ‘किन छिन् छिन्’

हिरासतमा रहेका लामिछानेलाई भेटे रास्वपा नेताहरुले, यो राजनीतिक प्रतिशोध नै हो भन्ने कुरा नागरिकलाई बुझाउन अनुरोध